Klassik-CD vun der Woch Strauss a Schmidt: Eng Entdeckung

Eis Klassik-CD vun der Woch kënnt vum Label MDG, mat zwee onbekannte Wierker. "Festliches Präludium" vum Richard Strauss an dem Franz Schmidt seng zweet Sinfonie. Den Beethoven Orchester vu Bonn mam Dirigent Stefan Blunier sinn déi ideal Museker a proposéieren eng brilliant Interpretatioun vu Wierker déi een entdecke soll.

Manuel Ribeiro / cz

Stefan Blunier Beethoven Orchester Bonn
Foto: Beethoven Orchester Bonn / Stefan Blunier

"Festliches Präludium" vum Richard Strauss, gëtt nëmme seelen opgefouert. Et ass entstanen als Commande fir d'Aweiung vum Konzerthaus Wien fir den 19 Oktober 1913.

Besonnësch stécht d'Introduktioun mat enger Uergel eraus, déi spéider vun engem Orchester ofgeléist gëtt. E Präludium vu ronn zwielef Minutten dat net nëmmen festlech kléngt, mee och monumental orchestréiert ass.

D'Wierker vum Stéck, an deem verschidde Motiven optauchen, ass éischter melodesch gehalen.

Schmidt, de leschte Komponist aus enger Wiener Traditioun

De Franz Schmidt ass wuel bestëmmt dee leschten Ierwen vun der Wiener Traditioun vu Brahms, Bruckner a Mahler. Zur Zäit wou eng zweet Wiener Schoul sech grënnt, ass de Franz Schmidt nach dee Leschten zu Wien den eng Sinfonietraditioun an enger Aart Fréi-Postromantik weiderfiert. Souguer de Mahler hat de Franz Schmidt als de musikaleschste Mann vu Wien bezeechent. De Komponist war eigentlech een Cellist bei de Wiener Philharmoniker, a spéider Kompositiounsprofesser an der Wiener Akademie.

Seng zweet Sinfonie, wéi dem Strauss säi Präludium, kënnt aus de Joren 1911 an 1913.

D'Stéck wäert virun allem Nolauschterer gefalen, déi grouss orchestréiert Musek gären hunn. Interessant ass zemools den zweete Saz, een "Allegretto con variazioni", an deem d'Thema ganz subtil an elegant a kuerze Miniaturen, variéiert.

De leschte Saz endegt d'Sinfonie mat engem triumphale Schluss, tonal, mat räichen Harmonien a postromantesche Klangfaarwen.

An der Mediathéik:

Lauschteren

Méi zum Thema

Khatia Buniatishvili
Klassik-Star am Interview

Wat verbënnt déi weltbekannt Pianistin mat Lëtzebuerg? Wéi eng Bedeitung huet de Franz Liszt fir si? An huet een als Weltstar nach Lampenfieber? D'Khatia Buniatishvili am Interview.

De Jury vun den "International Classical Music Awards" hat seng Reunioun an der Philharmonie
International Classical Music Awards

Fënnef Nominatiounen, e Finalist an e Spezialpräis: d'Editioun 2018 vun den International Classical Music Awards war fir Lëtzebuerg e gudde Joergang. De Jury hat seng Reunioun an der Philharmonie.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen