Subkulturen Hip Hop ass an d'Moud komm

Fir d'éischte Kéier huet d'Rockhal e Festival organiséiert, dee sech just der Lëtzebuerger Hip Hop Zeen verschriwwen huet. Rap ass zu Lëtzebuerg sou populär wéi nach ni. Allerdéngs ass de Grand-Duché bei dësem Trend hannendran.

Yves Stephany

De Skibi um Chop Chop Chop
De Rapper Skibi um Chop Chop Chop

Hip Hop huet schonn an den 90er Jore säi Wee an de Mainstream fonnt. Zu Lëtzebuerg war dës Kultur awer bis viru kuerzem éischter en Underground-Phenomeen. "Mir waren deemools wierklech Rebellen", erënnert sech de Bobby Bieles, deen um radio 100,7 d'Hip Hop Emissioun Ligne 2 produzéiert.

Et wier de Pionéier aus dem Minett ze verdanken, datt Hip Hop mëttlerweil méi grouss geschriwwe gëtt. Lëtzebuerg hätt 10 bis 20 Joer Verspéidung par Rapport zu Amerika oder Frankräich. "Mir komme lo sou lues bei Eminem un", seet de Bobby Bieles.


Concertsmatschnëtter vum Chop Chop Chop, den 19. Oktober an der Rockhal

De Läbbel

Stayfou


"D'Eltere rose maachen"

"Ech hunn d'Gefill, datt an de leschte Joren d'Grenze vun de Subkulture bësse matenee verschwomme sinn", seet de Ragga. Déi nei Rockstare wieren an der Hip Hop Welt. "Et ass dat, wou ee seng Elteren a Grousselteren nach am meeschte ka rose maachen."

BC One a Maka MC an der Rockhal

Machismus wier e Phenomeen am Hip Hop, awer net nëmmen, seet d'Nicool. "Wann s de Metal lauschters, do ginn et och krass Texter." Rap wier dacks do fir "ofzeschalten a sech einfach cool ze fillen", seet de luk. Vill Rapper géife mengen, Drogen ze huelen a Fraen erofzemaache wier cool. Dofir misst de Kontext allerdéngs dee Richtege sinn.

Meenungsfräiheet?

Duerch de Geriichtsprozess wéinst dem Turnup Tun sengem Lidd "FCK LXB" gouf en ëffentlechen Debat opgeworf iwwer dat, wat Konscht däerf, a wat net. An engem musikalesche Kontext kéint een immens vill grenzwäerteg Saache guttheeschen, seet de Ragga. "Nëmme well sech verschidde Leit an engem Lidd perséinlech ugegraff fillen, heescht dat net, datt dat soll op en Index kommen."

Wa verschidde Lidder zu Lëtzebuerg géife verbuede ginn, wier dat e Schrack no hannen, an der Demokratie "e rise Fouss an den Aasch", seet de Ragga.

Den Tommek beim Chop Chop Chop

Och an der klenger Hip Hop Zeen zu Lëtzebuerg ginn et ënnerschiddlech Stréimungen. D'Membere vum Kollektiv De Läbbel hunn éischter eng oldschool-Approche, mat Sample-baséierte Beats. Stayfou klénge méi modern, elektronesch a poppeg, a gräifen op Stilmëttele vum Trap zeréck. "Dofir goufen déi agelueden, well si eng ganz ënnerschiddlech Dynamik hunn", seet de Bobby Bieles. "Dat ass dat Interessant un der Soirée."

D'Nicool ass Member beim Kollektiv "De Läbbel"

De radio 100,7 huet de Festival integral iwwerdroen. Op der Bühn ware Maka MC, BC ONE, Nicool, BTM, Skibi, Turnup Tun, Skinny J, luk., Tommek an de Ragga vun de Kollektiven De Läbbel a Stayfou. Hei drënner kënnt Dir d'Opnam vun der ganzer Soirée lauschteren.

An der Mediathéik:

100,7 LIVE / / Yves Stephany
Lauschteren

Méi zum Thema

Stayfou
Hip Hop

Dës Woch am Generator huet d'Lara sech mat zwee Hip-Hopper getraff: den Tommek an den Turnup Tun vu Stay Fou. Si hu mam Lara Bousch iwwer déi Lëtzebuerger Hip Hop Zeen geschwat.

Napoleon Gold
Sunset Model

De Produzent Antoine Honorez presentéiert säin éischte Longplayer. Et ass eng Kollaboratioun mat ville Gäscht. Fir d'Texturen an d'Sounds huet hie mat sengem Produzent Pierre-Hadrien Trigano zesummegeschafft.

Nicool-By-Alphonse-Hatz
Debut Album vu Lëtzebuerger Rapperin

Rap ass zu Lëtzebuerg nach ëmmer eng Chasse gardée vun de Männer. D'Nicool kënnt, fir dat ze änneren. De 7. Juni presentéiert déi jonk Rapperin hiren Debutalbum "Den Ufank vum N".

Skinny J an Turnup Tun
Geriichtsprozess

Den Tun Tonnar gouf um Bezierksgeriicht fräigesprach. De Fred Keup, de Joe Thein an eng drëtt Persoun haten de Museker ugesicht, well si sech an engem Lidd perséinlech ugegraff gefillt hunn.

Bobby Bieles
Hip Hop um radio 100,7

D'Emissioun Ligne 2 ass e wichtege Rendez-vous fir d'Frënn vum Hip Hop zu Lëtzebuerg. All Samschdeg mixt de Bobby Bieles Musek, déi hien inspiréiert. Déi 30. Emissioun gouf grad diffuséiert.

Programm

  • Papperlapop - Itasca

  • On air

    The Benny Brown Show

  • Notturno

  • Notturno

  • Virum Dag

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen