A Bath Full Of Ecstasy Hot Chip - dee beschten Album aus hirer Carrière

Dem britesche Quintett Hot Chip war 2006 mam Album "The Warning" a mat Singles wéi "Over and Over", "Boy From School" oder "Eady For The Floor" den Duerchbroch gelongen. Elo melle si sech zeréck mat engem neien Disk mam provokativen Titel "A Bath Full Of Ecstasy".

Yves Stephany

Hot Chip
Foto: Ronald Dick

En neien Hot Chip-Album - kann dat nach relevant sinn? Ass déi Band net awer iergendwéi virun zéng Joer stoe bliwwen? Effektiv ass et en immens gudde Pop Album. A wahrscheinlech dee beschte Longplayer aus der Carrière vum Quintett.

Hot Chip hu fir A Bath Full Of Ecstasy eppes radikal geännert. All hir sechs Albume ware selwer produzéiert. Dat huet mat sech bruecht, datt d'Disken dacks ze laang waren, et waren ze vill Lidder drop, et ass een net op de Punkt komm, et gouf gebastelt a gefréckelt, an déi staark Pop-Momenter si bëssen ënnergaangen.

Dobäi sinn den Alexis Taylor an den Joe Goddard immens gutt Songwriteren. Zwee vun den Titelen op "A Bath Full Of Ecstasy" hate si fir d'Katy Perry geschriwwen. Finalement hu si décidéiert, fir se awer selwer opzehuelen.

Fir deen neien Album hu si sech direkt zwee Produzente mat an d'Boot geholl. De Philippe Zdar, deen tragescherweis virun dräi Woche gestuerwen ass, an de Rodaidh McDonald, deen Acts wéi The xx, David Byrne oder Vampire Weekend produzéiert huet.

D'Resultat ass, knackeg, op de Punkt an definitiv méi Pop a méi kommerziell wéi alles, wat Hot Chip bis elo released hunn.

Et gëtt weider vill experimentéiert

Den Afloss vun den zwee Producere bedeit awer net, datt Hot Chip net méi géifen experimentéieren. Ganz am Géigendeel, de Synthesizer-Wizard Felix Martin seet an engem Interview mat Paste Magazine, datt de Philippe Zdar hien encouragéiert hätt, fir seng Modularsynthesizere méi ze notzen, a seng klanglech Spillereie wieren am Mix méi prominent ginn, wéi dat fréier de Fall gewiescht wier.

Stécker wéi "Spell" oder "No God" ass keen Einweg-Pop, deen an dräi Minutten ofgehaakt wier. Et si Stécker, déi sech Zäit loossen, déi e laange Spannungsbou zéien, an déi d'Songwriting-Talenter vun Hot Chip op e Podium stellen.

Hot Chip bleift eng vun de wichtegste Synthpop-Bands vun eiser Zäit, an um neien Album si Stécker, déi mat fréien Hits wéi "When I Was A Boy From School" oder "Over and Over" mathalen. A Bath Full Of Ecstasy ass en Album, op deem et och tëschent den Zeile vill ze entdecke gëtt, an un deem ee sech net sou séier sat gelauschtert huet.

Et däerf ee sech op de Concert vun Hot Chip, de 4. Dezember am Atelier, freeën. Well si sinn och eng fantastesch Live Band.

An der Mediathéik:

Album vun der Woch / / Yves Stephany
Lauschteren

Méi zum Thema

THOM YORKE by ALEX LAKE WWW.TWOSHORTDAYS.COM
Thom Yorke - Anima

Den Thom Yorke, Radiohead Nummer 1 presentéiert säi Soloalbum Nummer 3. Radiohead-Sujete sinn zum groussen Deel Thom Yorke Sujeten an dat kéint eventuell a Paradigmewiessel bei der Band alauden, mengt den Tom Dockal.

Black Midi - Schlagenheim
Black Midi - Schlagenheim

Den Album vun dëser Woch kann een eigentlech net zur Prime Time um Radio spillen. Den Album "Schlagenheim" vu Black Midi ass haart, onberechembar an net fir niewebäi ze lauschteren.

Bill Callahan
Bill Callahan - Shephard In A Sheepskin Vest

De Bill Callahan ass de Mann mat der onverkennbar dezenter Stëmm. Hien huet sech leschte Freide mat sengem Album "Shephard In A Sheepskin Vest" zeréckgemellt. Eisen Album vun der Woch.

Mac DeMarco
Album vun der Woch

De Kanadier DeMarco huet en neien, relaxen Album erausbruecht. "Here Comes The Cowboy" heescht den Disk an ass eisen Album vun der Woch. Den Tom Dockal stellt vir.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen