Musek an der Groussregioun Les Nuits - Net Brout deelen, mee Musek

Eng knapps Autosstonn vu Lëtzebuerg ewech ass dëse Weekend e gemittleche Festival mat groussen Nimm aus der Indie-Zeen. De Kader ass besonnesch: D'Concerte gi quasi all an enger Kierch iwwer d'Bühn.

Les Nuits

"2020 wëlle mir deen éischten Hemmersdorf Pop Festival organiséieren", seet den Organisateur Chris Burr. "Et gëtt ee Boutique Festival, wou mir déi Saache bréngen, déi et soss net am Saarland gëtt."

Et géif awer net just drëm goen, fir Musek ze presentéieren, déi kee kennt. "Mir wëlle Raum bidde fir ze entdecken, an duerno fir ze genéissen."

Als Virgeschmaach op dee Festival gëtt et dëse Weekend vum 11. an 12. Oktober "Les Nuits" - zwee musikalesch Owenter, déi sech quasi komplett an der Kierch zu Hemmersdorf ofspillen.

Aus Lëtzebuerg ass de Pascal Schumacher mat op der Affiche. Hie géif Solo um Vibraphon optrieden a sech selwer mat Elektronik begleeden, erkläert de Chris Burr.

En aneren Highlight ass den Däitschen Duo Hundreds. Si kéint een hei als Trio erliewen, seet de Chris Burr. "Et ass zimlech elektronesch, awer mat engem akustesche Piano a wonnerbarem Gesang." Och kleng Perkussiounselementer wiere charakteristesch fir hiren Sound. D'Mëschung aus elektroneschen an akusteschen Elementer wier ganz speziell.

Mat dobäi ass och Tiny Ruins - den Indie Folk-Projet vun der Neuseelännerin Hollie Fullbrook. Si wäert zu Hemmersdorf solo optrieden a reng akustesch Interpretatioune vun hire Stécker proposéieren.

Et däerf ee sech an der Kierch awer net just op akustesch Singer-Songwriter astellen. Déi britesch Rachael Dadd hätt eng Band ronderëm sech, mat Drums, Bass, Gittar, Banjo, Hautbois, Klarinett a Fligel.

Donneschdes, den 10. Oktober ass schonn de Warmup mat der amerikanescher Formatioun XIXA.

Weider Informatioune ginn et op der Facebook-Säit vun Hemmersdorf Pop.

An der Mediathéik:

Backstage / / Mike Tock
Lauschteren

Méi zum Thema

Dyson Stringer Cloher
Dyson Stringer Cloher - s/t:

Dyson, Stringer a Cloher assuméieren, ob si et wollten oder net, d'Roll vun Ambassadricen, déi Jonker, natierlech virun allem jonk Frae mat der Hand huele fir eng kuerz Streck, hinnen de Réck riicht maachen an d'Schëllere breet strecken.

Sandro Perri photo by Colin Medley
Sandro Perri - Soft Landing

Dem Sandro Perri seng nei Scheif "Soft Landing" stécht voller delikate Momenter. De Museker schaaft eng besonnesch ënnerdriwwen Atmosphär. D'Melodien entfale sech ganz organesch an hirem eegenen Tempo.

D'Amanda Palmer, de 06.09.2019 zu Berlin
Amanda Palmer iwwer Klimawandel

D'Amanda Palmer bedeelegt sech un "United for Climate Justice". Déi amerikanesch Sängerin an Aktivistin momentan zu Lëtzebuerg. De Sujet Klimawandel wier akut - si kéint net méi just iwwer Ofdreiwung schwätzen.

One True Pairing
One True Pairing - One True Pairing

A schwieregen Zäiten entsteet dacks gutt Musek. E Beispill dofir ass den éischte Soloalbum vum britesche Sänger a Museker Tom Fleming. Hien huet als "One True Pairing" en Album mam selwechten Titel erausbruecht.

Programm

  • Virum Dag

  • On air

    Moies-Magazin

    • Aktuelles - Coup de gueule Romain Schumacher

  • Iwwer Mëtteg

  • Resonanzen

  • Spektrum

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen