Entomdeb A.D. "Mir wëlle keen U2"

Déi schwedesch Band "Entombed" huet sech 2014 nei forméiert an nennt sech zanter deem "Entombed A.D." D'Formatioun huet ënnert anerem en neie Gittarist. Mir hunn d'Band um Wacken Open Air Festival begéint.

David Wagner / cwi

Entombed
Och wann d'Band e neien Numm hätt, hätt sech d'Musek net geännert, soen d'Memberen.

Am Februar huet "Entombed A.D." en neien Album mam Titel "Dead Dawn" erausbruecht. D'Fans wiere mam Album zefridde gewiescht, esou d'Bandmemberen, Et géing awer kee groussen Ënnerscheed tëscht den neien an den ale Saache ginn. "Wa mir en Album maachen, ass et en Entombed-Album". Och wann d'Band sech zanter kuerzem géing "Entombed A.D." nennen. Dat wier just eng Weiderentwécklung, seet de Sänger LG Petrov. "Wann een zënter 27 Joer spillt, da gi Leit an et komme Leit bäi. Mee mir sinn nach ëmmer do."

D'Fans wieren zefridde mam neien Album an den neie Gitarrist Guilherme Miranda géing gutt an d'Band passen. Hie fillt sech wuel an der Formatioun, d'Zesummenaarbecht géing Spaass maachen. Et wier einfach eppes ëmzesetzen, wa jiddwer Member déi selwecht Virstellungen hätt, mengt och den LG Petrov. "Wat mir maachen ass spillen. Du bréngs Opnamen eraus an du gees op Tour. Et gëtt soss näischt."

Ass Wacken Mainstream?

Eng Statioun vun hirer Tour war de Wacken Festival Uganks August. Do ze spillen, wier ëmmer erëm eng gutt Erfahrung. D'Band spillt gär op Festivaler. Si géingen do Leit aus dem Public erëmgesinn, fir déi si schonn op anere Concerte gespillt hätten. Wacken wier immens international. "Et gesäit een d'Fändelen, gesäit vu wou d'Leit kommen an et erkennt ee si erëm", erzielt de Guilherme Miranda.

D'Kritiken datt de Wacken Open Air Festival ze vill "mainstream" wier, kënnen déi zwee Bandmemberen net novollzéien. De Festival wier eng Institutioun, fënnt den LG Petrov. Wann de Festival Sonndes eriwwer wier, da wier e Méindes scho fir dat Joer drop ausverkaaft. "Ech gesinn de Wacken-Underground hei. Et kéint een och U2 alueden, dat ass Rock. Mee mir wëllen hei keen U2." Wacken géing weisen, datt ee keng Mainstream-Bands invitéiere misst fir Leit zesummen ze kréien. D'Leit wiere frou do, seet den LG Petrov, egal wat fir eng Band géing spillen.

An der Mediathéik:

Metal Meltdown / / David Wagner
Lauschteren

Méi zum Thema

thumb_53345_default_big[1].jpg Exklusiv
Festival

De Museks-Festival “Food for your senses” soll am Summer 2017 op engem Kierchbierger Site nieft den RTL-Gebaier organiséiert ginn. Do wou d’Rolling Stones am Kulturjoer 1995 opgetruede waren.

Jesse Hughes
Eagles of Death Metal

Zwee grouss Festivalen hunn d'Eagles of Death Metal vun der Affiche gestrach. De Sänger vun der amerikanescher Band hat islamfeindlech Aussoe gemaach. Den Atelier huet d'Grupp awer weider am Programm.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen