Lëtzebuerger Musek De Schlofzëmmerbléck elo op Vinyl

Am Lockdown hate 13 Musekerinnen a Museker Lidder fir de radio 100,7 geschriwwen an opgeholl. Elo ass d'Resultat als Vinyl ze kréien. Ee Gespréich tëschent dem Simon Larosche an dem Yves Stephany.

Simon Larosche / Yves Stephany / tt

Schlofzëmmerbléck elo op Vinyl
Schlofzëmmerbléck elo op Vinyl

Simon Larosche: Endlech ass et souwäit, de Schlofzëmmerbléck ass do. Op Vinyl. Yves, ziel eis nach eng Kéier, wat sech hanner deem geheimnisvolle Titel verstoppt?

Yves Stephany: Am Abrëll, wéi alles zou war, an et keng Concerte méi gouf, hu mir als Museksredaktioun et als eis Missioun gesinn, fir iergendwéi d'Museksaktualitéit um Lafen ze halen. Dofir hu mir 13 Musekerinnen a Museker gefrot, ob si fir eis e Song wéilte komponéieren an doheem ophuelen. D'Resultat ass eng Compilatioun, déi e gudden an intimen Abléck an d'Lëtzebuerger Musekszeen an dësem komesche Joer gëtt.

Den Ënnertitel resuméiert et zimmlech gutt: "A snapshot of Luxembourg's music scene in confinement". Am Summer koum d'Compilatioun op den digitale Plattformen eraus, an elo dann och op Vinyl. Firwat Vinyl?

Vinyl ass zanter enger Zäitchen nees am Trend. CDe si jo, bis an der Klassik, en Auslafmodell, a vill Musek-Fans hunn awer niewent dem praktesche Streaming gär e physeschen Objet an der Hand. Dofir erlieft Vinyl eng kleng, zaghaft Renaissance.

Natierlech ass déi Compilatioun och eng Visittekaart fir d'Musek, déi am Grand-Duché gemaach gëtt. Well mir vill a Kontakt mat auslännesche Journalisten a Professionellen aus der Branche sinn, ass et e ganz flotte Promo-Objet, dee mir esou Leit kënne ginn. Well obwuel mir als radio 100,7 op Lëtzebuergesch senden an e Programm fir Lëtzebuerg maachen, hu mir och eng Export-Funktioun: zum Beispill duerch Concerts-Enregistrementer, déi mir auslännesche Radioen zur Verfügung stellen, oder duerch eis Participatioun um Eurosonic Festival.

13 Lidder sinn op der Plack ze fannen, dorënner Stécker vun Edsun, Napoleon Gold, Francis Of Delirium, Them Lights, C'est Karma, Napoleon Gold, an, an, an ... Wou kritt een d'Plack dann ze kafen?

Et kann ee se online kafen iwwer eise Bandcamp Site. Dir kënnt eis och schreiwen, uruffen, oder einfach laanscht kommen, déi Infoe fënnt een op 100komma7.lu.

An da komme se och an d'Plackegeschäfter, an an aner Geschäfter. Wann Dir Äre Chrëschtdagsshopping maacht, dierft Dir op eis Plack stoussen.

Et ass wierklech och e flotten an originelle Chrëschtkaddo. E kléngt nämlech net nëmme gutt, mee e gesäit och wierklech gutt aus.

Jo, iwwer de Cover si mir och immens happy. Et ass e richtege klenge Konschtobjet ginn. Dofir och nach eng Kéier e grousse Merci un de Jeff Poitiers vu Cropmark, deen eng super grafesch Aarbecht geleescht huet.

Eng Fro hätt ech nach: firwat huet et sou laang gedauert, bis d'Placke fäerdeg waren?

Weess de, Placke schneiden a pressen ass en Handwierk. A wéi an all Handwierk ginn et Leit, déi et beherrschen, an där, déi et net esou gutt beherrschen. Mir ware leider op ee Cutting Engineer gestouss, dee kee "Master of his craft" war. Éier eng Plack gepresst gëtt, kritt een eng Testpressung. Déi muss ee fräiginn, fir dat mat där Form, déi hiergestallt gouf, kënnen d'Placke produzéiert ginn. Déi éischt zwou Testpressungen, déi mir kruten, ware klanglech einfach net gutt genuch. Dofir war dat en zimmlechen Hin an Hier, an hanner de Kulisse gouf vill geschafft, fir datt d'Resultat och soll gutt sinn. Mee lo ass se do, endlech, a si ass esou wéi se soll sinn, a mir sinn immens frou, datt esou gutt Musek hei am Land gemaach gëtt.

De Schlofzëmmerbléck Vinyl ass eng limitéiert Serie vu 500 Pressungen.

An der Mediathéik:

Backstage / / Yves Stephany
Lauschteren

Méi zum Thema

Sacha Hanlet
Fënnefvéierel

Am Lëtzebuerger Produzent Sacha Hanlet sengem Studio gëtt vill mat perkussiven Elementer experimentéiert. Den Jamie Reinert mat enger klenger Impressioun vu sengem Aarbechtsprozess.

Aircheck Session vun Tuys
Concert

Fir trotz der Pandemie Concerte kënnen ze genéissen, huet de radio 100,7 zesumme mat der Kufa d'Aircheck Sessions an d'Liewe geruff. Den éischte Concert kënnt vun Tuys. Lauschtert hiren Optrëtt hei nach eng Kéier.

 

Net verpassen

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen