The Army of Butterflies Päiperlécke fir de Sebb

Mam musikalesche Projet "The Army of Butterflies" soll de Sebastien Peiffer ënnerstetzt ginn. Hien hat 2013 e schwéieren Accident. De Kollektiv huet viru kuerzem zwee nei Lidder erausbruecht. De Sänger Pascal Useldinger an de Gittarist José Dos Santos mat Detailer.

Yves Stephany / cwi

Pascal Useldinger & José Dos Santos
Pascal Uselsinger a José Dos Santos

2012 hat de fréiere Leadsänger vun der Band Babyoil, Sébastien Peiffer, e schwéieren Accident. Zënter deem gëtt hie behandelt. Fir seng Therapie finanziell z'ënnerstëtzen hate seng Frënn e Concert an der Rockhal organiséiert.

En Hommage un de Sébastien Peiffer

Et ass awer net bei dësem enge Concert bliwwen. Ënnert dem Numm "The Army of Butterflies" ass e ganze Projet ëm d'Musek vum Sébastien Peiffer entstanen. Bedeelegt sinn nieft dem dem Pascal Useldinger, bekannt als fréiere Sänger vun dEFDUMp, an dem Medley Jukebox-Gittarist José Dos Santos, virun allem fréier Bandmembere vum Sébastien Peiffer. "Mir wëllen de Sébastien esou gutt wéi méiglech representéieren, duerch déi Lidder, déi hie geschriwwen huet" erkläert de José Dos Santos.

De Projet soll en Hommage un de Sebb sinn, seet de Pascale Useldinger. Hie wier e Pionéier vun der Lëtzebuerger Rock-Musek gewiecht. Mee säi Liewen a säi Wiese wiere net méi dat, wat se virum Accident waren, esou de Sänger. "Wann een alles verléiert wat een ausgemaach huet, da verschwannen d'Leit ronderëm een. De Projet soll op all déi Leit opmierksam maachen, déi vun der Gesellschaft ausgeschloss ginn, esou bal se net méi valid sinn."

Zwee nei Lidder

De 16. Juli huet "The Army of Butterflies" zwee Stécker eraus bruecht: "Onto the Night" a "Prayers for Rain". De Sebastien Peiffer hat d'Stécker fir seng deemoleg Band "I promised you September" geschriwwen, déi hie kuerz viru sengem Accident gegrënnt hat. "Mir hunn dës Lidder nei arrangéiert, Texter geschriwwen an opgeholl", esou de Sänger Pascal Useldinger. An de Lidder géing nach ganz vill vum Sebastien Peiffer stiechen, sou de José Dos Santos."Nëmmen d'Aart a Weis ze spillen ass e bësschen anescht."

Ob de Projet "The Army of Butterflies" weider geet, wier nach net sécher. "Et gëtt ëmmer d'Méiglechkeet zesummen ze spillen. Virgesinn ass et net, mee et soll een nie Nee soen", esou de Pascal Useldinger.

Di zwee Lidder kann een iwwert d'Homepage vun "The Army of Butterflies" kaafen.

An der Mediathéik:

Backstage / / Yves Stephany
Lauschteren

Méi zum Thema

Cyclorama
Radioen

Komponiste kloen, et géif net genuch Lëtzebuerger Musek op de Lëtzebuerger Radioe gespillt ginn. De Prozentsaz ass effektiv niddereg. Dofir sinn zum Deel awer d'Kënschtler selwer responsabel.

Tvesla
Noisum Cracum

Wee Rockmusek zu Lëtzebuerg suivéiert, huet et scho matkritt: No siwe Joer Paus stinn Tvesla nees op der Bühn. Den Trio huet e komplett neie Programm an eng nei Dynamik. Och en Album ass geplangt.

Programm

  • Noriichten

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen