Robert Forster - Inferno E verkannten Held vun der Indie Crowd

Nick Cave, AC/DC, Kylie Minogue. Dat sinn alles weltberühmte Museker vum australesche Kontinent. Ee Museker ass zwar net weltberühmt, gëtt zwar vun hinnen all - ok, vläicht net vun AC/DC - zanter Joerzéngten als nationalen Treasure gefeiert. Rieds ass vum Robert Forster. De Museker huet mat "Inferno" säi siwenten Album erausbruecht.

Tom Dockal / cbi

Robert Forster - Inferno
Foto: Tapete Records.

Ech war zwar selwer nach ni am australesche Brisbane, mee wann een dem Robert Forster säin Ouer schenkt, da muss een dovunner ausgoen, datt d'klimatesch Konditiounen engem zousetzen. Um leschten Disk "Songs To Play" de Song "Turn On The Rain", op "The Evangelist", deem Disk virdrun, "If It Rain", an de Longplayer virdrun huet esouguer "Warm Nights" geheescht. An elo um neien Disk "Inferno" e Song "Inferno (Brisbane in Summer)".

"Let me, let me, let me out", wat wéi e Ruff no Hëllef kléngt, esou kléngt den Opener vum neie Robert Forster Album awer och no enger verschruebelter Zort Verlaangeren no doheem. De Forster huet mat "Inferno" nämlech säin éischten Disk zanter 1990 nees zu Berlin opgeholl. An et war natierlech waarm zu Berlin, mee de Summer zu Brisbane schéngt awer nach ëmmer e groussen Androck hannerlooss ze hunn.

De Robert Forster ass, maache mir eis näischt vir, ee vun deene verkannten Helde vun der Indie Crowd. D'Go-Betweens, déi an der zweeter Hallschent vun de 70er opgedaucht sinn, an an den 80er grouss Pop-Entwërf geworf hunn, sinn 2006 tragescherweis op en Enn komm, wéi dem Forster säi Partner in crime Grant McLennan gestuerwen ass.

Den Deuil ass an deenen 13 Joer gemaach an "Inferno" ass an deem Sënn eppes ganz Spezielles. De Robert Forster ass ëmmerhin 61 Joer jonk, mee um siwente Soloalbum séngt hien engersäits mat enger Verve vun engem 20-Jähregen, anerersäits kléngt hie wéi de gestanene Mann, deen hien ass.

Datt eng vum Robert Forster seng gréisste Suergen also d'Wieder ass, huet u sech eppes ganz Berouegendes. Well, Interviewen no, ass him zanter dem leschten Disk näischt weider geschitt. "Inferno" ass am Fong wéi eng Bréiffrëndschaft vum aneren Eck vum Planéit ze verstoen, déi och no Joren a Joren oprechterhale gëtt. Well u sech huet sech um Schreiwes vum Forster net vill gedoen. Respektiv, d'Schreiwes entsprécht elo endlech dem Alter, dat de Forster huet. Well altklug an iwwerdriwwe romantesch waren d'Go-Betweens schonn deemools. Just, dat huet een deemools New Romanticism genannt.

Et ass ni ëm de Fame gaangen

Den Album ass eng Momentopnam vun deem, wat tatsächlech beim Forster am Kapp grad mijotéiert. Verpasste Chancen, d'Realisatioun, datt et ni ëm de Fame gaangen ass, och wann d'Go-Betweens deemools anescht geschwat hunn - just esou niewebäi, si haten ni de Fame - Léift, alles Themen op "Inferno".

An um flottste Song "This Morning" séngt hien "It's a new day / Another night that I've survived / My dreems have chased me / To the place that I've arrived / The sun'a at the door / It's knocking, the morning is a friend". Also alles gutt am waarme Brisbane! A wann hien da vu senger Fra musikalesch begleet gëtt, den Tindersticks Drummer mat u Bord an de Blumfeld Produzent hanner de Manette sëtzen huet, da léisst sech d'Bréiffrëndschaft schéi weiderspannen.

"Inferno" ass en onopgereegt, understaten Disk, deen a senger Liichtegkeet séier ze ënnerschätzen ass. Mee de Robert Forster gëtt vu senge weltberühmten australesche Musekerkompatrioten net ëmsoss als Nummer eent gefeiert.

An der Mediathéik:

Album vun der Woch / / Tom Dockal
Lauschteren

Méi zum Thema

Feels - Post Earth
FEELS - Post Earth

"Post Earth" vu Feels belount beim Lauschtere mat allem, wat gutt Musek brauch, mat einfache Rhythmen, Melodien a Gittare-Riffs a mat Raffiness vum Gesang vun der Shannon Lay um Mikro.

Die Goldenen Zitronen
Die Goldenen Zitronen - More Than A Feeling

Am däitsche Parlament vertriede Politiker extrem Meenungen. Dat ass erschreckend. Nach méi erschreckend ass et, wéi wéineg Protestmusek doduerch entsteet. Gutt, datt et die Goldenen Zitronen gëtt.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen