Saarbrecker Staaatstheater De Sébastien Rouland iwwerhëlt d'Baguette

De Sébastien Rouland ass virun allem als Operendirigent bekannt. Allerdéngs mécht hien och gär symphonesch Concerten, wéi beispillsweis am Mäerz 2018 als Chef invité vum Philharmoneschen Orchester Lëtzebuerg an der Philharmonie. En Dënschdeg huet de Sébastien Rouland zu Saarbrécken säi Kontrakt als neie Generalmusikdirektor vum Staatstheater ënnerschriwwen. Hien trëtt säi Poste fir d'Saison 2018/19 un.

Manuel Ribeiro / cz

Vertragsunterzeichnung 23.1.2018 Generalmusikdirektor Sébastien Rouland, Saarländisches Staatstheater, Mittelfoyer, von links: Kaufmännischer Direktor und Geschäftsführer Matthias Almstedt, Kultusminister Ulrich Commerçon, Sebastien Rouland, Intendant Bod
De Sébastien Rouland (3.v.l.) ass vun der Saison 2018/19 un neie Generlamusikdirektor zu Saarbrécken

Eigentlech ass de Sébastien Rouland Cellist, mä a senge jonke Jore war hien och scho vun der Orchesterdirektioun begeeschtert. Zënter 2002 huet hie sech international als e villsäitegen Dirigent etabléiert. Säi Repertoire geet vu Barock bis zur zäitgenëssescher Musek. D'Barockmusek war laang seng Spezialitéit, an där hie sech fir déi historesch Opféierungspraxis interesséiert.

Mëttlerweil ass de Sébastien Rouland virun allem als Operendirigent bekannt. Seng Projete féieren hien als Gaaschtdirigent an déi gréissten Operenhäiser op der Welt : Essen, Berlin, Stuttgart, Paräis, Lyon, Marseille, Wien, Lissabon... 2015 hat hie säin Debut an der Opéra National de Paris mam Gluck senger Oper "Alceste".

Oper a Concert

Allerdéngs dirigéiert de Sébastien Rouland och gär symphonesch Concerten. Am Mäerz 2018 ass hie Chef invité vum Philharmoneschen Orchester Lëtzebuerg an der Philharmonie fir e Programm mat Ravel, Debussy, Britten a Berlioz. Solistin ass d'Sopranistin Anna Prohaska, Artist in Residence an der Philharmonie. D'Chance, sech kënnen am symphonesche Repertoire ze beweegen, war ee wichtege Critère, firwat de Sébastien Rouland de Posten zu Saarbrécken ugeholl huet.

Iwwert seng Projeten a seng Iddie fir Saarbrécken wollt den neie Generalmusikdirektor nach net vill verroden. De Programm soll ganz breet gefächert sinn, vu Barock bis Zäitgenëssesches, ouni den traditionellen Opereprogramm ze vernoléissegen, seet de Sébastien Rouland.

An der Mediathéik:

Klassik aktuell / / Manuel Ribeiro
Lauschteren

Méi zum Thema

Stefan Blunier Beethoven Orchester Bonn
Klassik-CD vun der Woch

Den Beethoven Orchester vu Bonn mam Dirigent Stefan Blunier proposéieren eng brilliant Interpretatioun vu "Festliches Präludium" vum Richard Strauss an dem Franz Schmidt seng zweet Sinfonie.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen