Kammermusek Spannend bis déi lescht Nout

2013 hu sech de Cristiano Gualco an de Paolo Andreoli (Gei), de Simone Gramaglia (Braatsch) an den Giovanni Scaglione (Cello) opgemaach, bei audite sämtlech Sträichquartetter vum Ludwig van Beethoven opzehuelen. Elo koum de leschte Volume vun dësem Projet eraus. Entstan ass eng Intégrale mat Referenzcharakter.

Guy Engels

Cremona
De Quartetto di Cremona © Elisa Caldana

D'Quartetter Nummer 3 aus Opus 18 an Opus 74 waren déi lescht, déi dem Quartetto di Cremona nach a senger Sammlung gefeelt hunn. Och am leschte Volume vun hirer Beethoven-Integrale si sech déi véier Museker aus der Monteverdi-Stad trei bliwwen an hunn ee fréit Wierk mat enger Kompositioun vum gestanene Beethoven konfrontéiert.

Vun Ufank un spillt de Quartetto di Cremona mat eisen Erwaardungen. Beim Quartett Opus 18/3 huet een nach Ausleefer vun der Wiener Klassik an der Kopp, wou alles ronn an equilibréiert sollt kléngen. De Contraire ass de Fall. D'Interprete setze voll op déi dramatesch Kraaft, déi dem Beethoven seng Musek schonn an dësem fréien Opus engagéiert. Si féieren de Begrëff "fréit Wierk" reegelrecht ad absurdum, andeems si melodesch Linnen éischter ongehuwwelt ewéi glat geschlaff spillen an d'Musek duerch e permanent Spill mat den Tempi stänneg ënner Spannung halen.

Musek, déi fesselt

Mat därselwechter Energie gëtt sech de Quartetto di Cremona och un de Quartett Opus 74, de sougenannten Harfequartett. Déi véier Museker spillen héich emotional a bréngen et fäerdeg, datt een als Nolauschterer net méi lassloosse kann. Wat däerf e méi vun Interpreten erwaarden?

Och an dësem aachten a leschte Volume vu senger Beethoven-Serie beweist de Quartetto di Cremona seng enorm musikalesch Energie, déi een och brauch fir esou ee Laangzäitprojet duerchzezéien. Dës Integrale huet definitiv Referenzcharakter.

An der Mediathéik:

CD-Klassik / / Guy Engels
Lauschteren

Méi zum Thema

Cathy Krier.JPG
Nei CD vun der Cathy Krier

Nom grousse Succès vun hirem Schönberg-Album presentéiert d'Pianistin Cathy Krier elo hiren neien Disk: "Masques", mat Wierker vum Claude Debussy a Karol Szymanowski, publizéiert bei Avi-music.

Programm

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen