Singer- a Songwriterin Un instant Karma

Zanter engem gudde Joer taucht ëmmer erëm den Numm vun enger neier Singer-Songwriterin op de Concertsaffichen hei am Land op: C'est Karma. Hannert dem Projet stëcht di 17-järeg Karma Catena, där hir Talenter een net esou einfach iwwersäit, a scho guer net, wann een si eemol op der Bühn gesinn huet. Elo ass déi éischt EP vu C'est Karma prett: Yellow.

Marc Clement / cbi

Karma
Hanner dem Projet "C'est Karma" stécht d'Karma Catena

Ee spontane Mënsch trëtt engem hei entgéint, wann ee sech mam Karma Catena ënnerhält. Poetry Slamming, d'Gittar mat an d'Strooss huelen am Plaz e Vakanzenjob unzehuelen - fir d'Karma läit Musek am Blutt, och wann déi éischt Versich als Kand op der (och vill manner spontaner) Gei net geklappt haten.

Eng bekannt Ënnerstëtzung

De Georges Goerens, villen als Bartleby Delicate an als Sänger vun der Formatioun Seed to Tree bekannt, hat der Karma ënner d'Äerm gegraff, fir den Ufank ze maachen. Mat engem Optrëtt ënner anerem op de Luxembourg Music Awards an op deene meeschte Lëtzebuerger Museksfestivallen dëst Joer ginn d'Saache séier virun.

Déi éischt Release huet sech d'Karma fir dëse Freide virgeholl. An de Rotonden zu Bouneweg presentéiert si hir éischt EP "Yellow": Ee Grappvoll Stécker, mat Kollegen an engem Haus opgeholl, déi de Stil vun den éischte Singelen developpéieren. D'Produktioun vun der EP, ëmmer nach hausgemaach, mee méi räich ewéi bis ewell, wäert sécher hëllefen, d'Stëmm vum Karma bei nei Oueren ze droen.

D'Karma ass net méi eleng

Op der Bühn iwwersetzt sech dëst duerch d'Präsenz vun anere Museker, wou een d'Karma bis elo ëmmer eleng mat der Gittar gesinn huet. Mat enger Band vu véier "ganz feine Jongen" geet d'Musekerin hei nei Weeër no hiren éischter Performance-aartegen Ufäng.

Aus Begéinungen erstanen a mat Begéinungen op d'Bühn bruecht: "besonnesch frou sinn ech, déi Kënschtlerin ze presentéieren, déi e Freideg am Virprogramm spillt, d'Lucie Paradis. Ech war mat menger Mamm op engem Concert, a mir hunn engem Meedchen ugebueden, hatt mam Auto matzehuelen, an et huet sech erausgestallt, datt mir vill gemeinsam hunn."

Méi Infoe kann een op www.rotondes.lu fannen.

Méi zum Thema

Et gëtt kee Plang fir de Bar ze bauen
Firwat maacht dir dat?

De Food For Your Senses geet a seng lescht Editioun. Duerno ass et eriwwer. Eng ganz Rëtsch jonk Leit investéieren hir ganz Fräizäit an d'Organisatioun vun dëser Manifestatioun. Wat ass hir Motivatioun?

Them Lights
Nei Single Made in Luxembourg

Wat bleift iwwreg, wann ee sech vun allem Iwwerflächlechem trennt? Déi Fro stellt sech de Sacha Hanlet alias Them Lights a senger neier Single. Et mécht also Sënn, datt hien elo ouni Band optrëtt.

Koll an Aktioun
Musek a méi

Et ass kee Festival, wéi déi aner: de Koll an Aktioun stécht eraus duerch den eemolege Kader vun der Leekoll. D'Programmatioun riicht sech un d'ganz Famill. D'Musek ass dobäi just ee Volet.

festival de wiltz
Eng villsäiteg Programmatioun

De Wëltzer Festival geet dëst Joer a seng 67. Editioun. D'Programmatioun bleift ëmmer um Bols vun der Zäit. Niewent Ballet a Klassik melle sech och den Jazz an usprochsvoll Popmusek zu Wuert.

Programm

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen