Komponistin vum Mount Vu Kritiker a vu Komponiste gelueft

An deene leschte Joren erlieft d'Musek vun der Louise Farrenc eng Renaissance - ënner anerem mat den CD-Opname vun de Solistes Européens, Luxembourg. Déi éischt Professesch um Paräisser Conservatoire huet sech duerchgeboxt an enger Männerwelt.

Manuel Ribeiro / cbi

Music notes
Foto: Bigstock / Alex Staroseltsev

D'Louise Farrenc war eng Zäitgenëssin vu Mendelssohn, Schumann, Chopin oder nach Glinka a Liszt. Hir Musek gouf vun de Kritiker, wéi vu ville Komponiste gelueft. Allerdéngs war et fir d'Pianistin net ëmmer einfach, sech an dëser Männerwelt duerchzesetzen.

Numm: Jeanne-Louise Dumont, bestuet Louise Farrenc

Beruff: Pianistin, Pedagogin, Komponistin, Editrice

Huet gelieft: 31.5.1804-15.9.1875

Bestuet mam: Aristide Farrenc, Flüttist, Musikolog an Editeur

Extras:

  • Éischt offiziell Professesch un engem grousse Conservatoire (1842)
  • Editrice vun der Sammlung "Trésor des Pianistes"
  • Sinfonien, Vokalwierker, vill Kammermusek, vill Pianoswierker

Sinfonië mat Charakter

1997 an 2003 huet sech d'NDR-Radiophilharmonie fir d'Sinfonië vun der Louise Farrenc fir eng Diskproduktioun interesséiert. 2001 war et den Orchestre de Bretagne mam Stefan Sanderling.

An deene leschte Jore kennt der Louise Farrenc hir Musek e Revival, an dat mat Recht. An deene leschte Saisonen hunn d'Solistes Européens, Luxembourg, ënner der Direktioun vum Christoph König, eng Partie Sinfonië vun der franséischer Komponistin an der Philharmonie proposéiert. Dem König seng Begeeschterung fir hir Musek ass esouwäit gaangen, datt den Orchester beim Label Naxos déi zweet an déi drëtt Sinfonie agespillt huet.

"L'œuvre de Madame Farrenc dénote du caractère, de la hardiesse et de la chaleur, et les masses instrumentales y sont mises en mouvement avec une entente remarquable des effets", schreift e Kritiker iwwer der Louise Farrenc hir éischt Symphonie no der Première 1845 zu Bréissel.

D'Revue Musicale zu Paräis lueft der Louise Farrenc hir éischt Sinfonie genee esou.

All hir Sinfonië stamen aus den 1840er Joren, wou zu Paräis kaum nach ee sech ëm dës Form gekëmmert huet. Och wann d'Sinfonië bei den Opféierunge Succès haten, goufen se net publizéiert. D'Sinfonië vun der Louise Farrenc hunn eppes vun Hummel- a Mendelssohn-Stil, wéi Flair vu Schubert, sief et an den Harmonien oder an der Präsenz vun den Holzblosinstrumenter.

Virun allem gëtt déi drëtt Sinfonie immens geschätzt, mat hire kengen an energesche Passagen, déi e Beethoven oder e Schumann sécher och un d'Staune bruecht hätten.

Dräi Episoden zur Louise Farrenc

An der éischter Emissioun (12.9.), héiert Dir, wéi d'Louise Farrenc sech als éischt Professesch um Paräisser Conservatoire duerchgesat huet fir dee selwechte Loun, wéi hir männlech Kolleegen. Derbäi huet si just dierfte Schülerinnen enseignéieren. Niewelaanscht hat d'Pedagogin och Privatschüler.

An der zweeter Episode (19.9) steet d'Sammlung "Le Trésor des pianistes", déi Pianoswieker vun iwwer dräi Joerhonnerte vereenegt, am Mëttelpunkt. D'Koppel Farrenc waren d'Editeure vun dësem Recueil.

An der drëtter Emissioun (26.9) léiert Dir nach aner Komponistinnen, Zäitgenëssine vun der Louise Farrenc kennen.

An der Mediathéik:

Lauschteren

Méi zum Thema

Kwiatkowski
KLASSIK-CD VUN DER WOCH

Musek vum Leopold Godowski bitt de Łukasz Kwiatkowski op sengem aktuellen Disk. E Mix vu verschiddene Stiler, deem de Pianist duerch seng Virtuositéit an differenzéiert Interpretatioune gerecht gëtt.

Colin Matthews
De Komponist Colin Matthews am Interview

De Philharmoneschen Orchester Lëtzebuerg produzéiert en Disk mat engem Arrangement vum Colin Matthews. Mir hunn eis mam englesche Komponist getraff a mat him iwwer säin neit Wierk geschwat.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen