Glécksspiller a Sucht All Form vu Glécksspill kann ofhängeg maachen

2.500 bis 3.000 Leit sinn hei am Land süchteg no Glécksspiller, schätzt den Dr. Andreas König, Psychotherapeut beim Berodungsservice "ausgespillt". Et kéint ee vun all Form vu Glécksspill ofhängeg ginn. D'Christine Lejeune, Presidentin vun der asbl "Anonym Glécksspiller", hofft op méi politeschen Engagement fir dës Problematik.

Serge Kesseler / cbi

Christine LeJeune - Dr Andreas Koenig

An de Programmer fir d'Chamberwahlen, déi de Moment virleien, steet just an deem vun deene Gréngen eppes iwwer Spill- a Mediesucht. Rieds geet do z.B. vun Internet-Poker an Handy-Sucht. Therapieoffere solle verbessert ginn, verspriechen Déi Gréng.

Méi finanziell Mëttel

Politiker solle sech trauen dëst Thema méi unzeschwätzen, a méi finanziell Mëttel fir d'Behandlung fräi ze ginn, fuerdert d'Christine Lejeune, d'Presidentin vun der asbl. "Anonym Glécksspiller". Doduerch, datt Computer-Spillsucht elo international unerkannt ass, wier et extrem wichteg, datt ee vum Gesondheetsministère op d'mannst ee Poste finanzéiert kritt, seet si.

D'asbl kéint bei all hiren Aktivitéite méi finanziell Moyene gebrauchen. Computer-Spillsucht ass zanter dem Juni dëst Joer vun der Weltgesondheetsorganisatioun als Krankheet unerkannt.

Am Prinzip kéint all Form vu Glécksspill ofhängeg maachen, erkläert de Chargé de direction vun "ausgespillt", den Dokter Andreas König:

"Man findet bei Betroffenen auch einen relativ bunten Mix. Aber die Zahlen zeigen relativ klar, dass Automaten mit einer schnellen Spielabfolge ein besonderes Risiko haben, also die typischen Automaten in den Cafés und auch das kleine Spiel in den Kasinos, und dann besonders Online-Poker und Online-Sportwetten, die bei jungen Leuten zunehmend beliebt werden, die haben ein besonders hohes Risiko."

Sou séier wéi méiglech Hëllef sichen

Eltere vu Kanner, déi riskéiere spillsüchteg oder internetsüchteg ze ginn, solle sou fréi wéi méiglech professionell Hëllef sichen, recommandéiert den Andreas König. D'Hëllef beim Service "ausgespillt" ass gratis. D'asbl këmmert sech ënner anerem ëm Berodung fir Partner a Familljen, bitt spezifesch Erzéiungsberodung un, an ass Uspriechpartner fir Schoulmeeschter a Jugendhaiser.

De Moment géife knapp 40 Leit vum Service "ausgespillt" betreit ginn. A méi schwierege Fäll géif ee Clienten och u Kliniken am Ausland vermëttelen. D'asbl. "Anonym Glécksspiller", déi et zanter 15 Joer gëtt, finanzéiert hir Aktivitéiten an hir Projeten de Moment mat Sue vum Gesondheets- a vum Educatiounsministère, grad wéi vun der Oeuvre Grande-Duchesse Charlotte.

An der Mediathéik:

Invité vum Dag / / Serge Kesseler
Lauschteren

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen