Lëtzebuerg entdecken Camping Bissen

Un der Haaptstrooss a Richtung Esch-Sauer, kuerz virum Heischtergronn, steet e klengt Schëld mat "Chapelle octogonale" drop geschriwwen. Datt et sech dobäi ëm eng Eenzegaartegkeet hei am Land handelt, mat engem fir Lëtzebuerg historesch wichtegen Hannergrond, dat huet de Claude Faber um Wee op de Camping Bisse fir eis Summer-Serie Lëtzebuerg entdecken erausfonnt.

Claude Faber / cbi

Camping Bissen

De Camping Bissen läit net zu Biisse bei Colmar-Bierg, am Heischtergronn a gëtt zanter den Ufäng an de 50er Joer vun der Famill Bissen geféiert, zielt de Marc Bissen:

"Meng Grousselteren hate scho virum Krich bei der Fabrick uewen e klenge Bauerebetrib mat engem klenge Café an engem klengen Hotel. Während dem Krich ass dat Ganzt zerstéiert ginn duerch e Feier. Nom Krich ass dat dann nei opgebaut ginn."

Dat Feier, vun deem de Marc Bissen hei erzielt, ass deemools ausgebrach, well d'Bréck, déi direkt nieft dem Hotel iwwer d'Sauer geet, am Zweete Weltkrich eng strategesch wichteg Roll gespillt huet an net nëmmen eng Kéier ënner Beschoss geroden, deels gesprengt oder zerbommt gouf. Dës Zerstéierung géif een haut als Kollateral-Schued bezeechnen.

An och wann de General Patton deemools bei senger Géigenoffensiv mat vill Fangerspëtzegefill gehandelt huet, an all d'Brécken iwwer d'Sauer ëmmer nees staark ëmkämpft waren, konnten esou Schied leider net evitéiert ginn.

"An dunn an de 50er Joren hunn déi éischt hollännesch Cliente gefrot, ob si net kéinten en Zelt ënne beim Waasser opriichten, nieft de Kéi, déi duerch d'Wiss gelaf sinn."

Iwwer d'Landesgrenze bekannt

Haut sti keng Kéi méi an de Wise laanscht d'Sauer, mee éischter Méckefëscher. Dofir ass de Camping Bissen nämlech wäit iwwer d'Landesgrenzen eraus bekannt. Eng sëlleche Wanderweeër hunn de Camping Bissen als Ausgangspunkt, schonn net wäit ewech kann een d'Tëntefaass kucke goen, wéi d'Kapell mat hirem aacht-eckege Grondrëss och nach léif genannt gëtt.

Et ass déi eenzeg aacht-eckeg Kapell hei am Land, ganz am neogotesche Stil tëschent 1849 an 1852 gebaut. Dobäi kënnt nach, datt dës Kapell der helleger Kunigunde geweit ass, der Mamm vum Graf Siegried, dee jo bekanntlech am Joer 963 de Bockfiels géint e puer Lännereien zu Feelen agetosch huet an domat als Grënner vu Lëtzebuerg gëllt.

D'Wiel vun dëser helleger Fra aus dem Lëtzebuerger Grafenhaus entsprécht dann och - historesch gesinn - dem klammende Lëtzebuerger Nationalbewosstsinn, no 1850, dat sech an engems esou op engem reliéis-kierchlechen Niveau ausgedréckt huet.

Och no der Saison interessant

De Camping Bissen ass ee vun de wéinege Campingen am Land mat enger Sauna. Mat anere Wierder, ee romantesche Wellness-Weekend an engem groussen Appartement oder an enger geraimeger Loge, mat Duebelbett, Kichen, Buedzëmmer an Toilette, bitt sech hei un. Zemools, wéi de Marc Bissen dem Claude Faber un d'Häerz geluecht huet, well elo vu September un déi meeschten auslännesch Touriste schonn nees Heem gefuer sinn, et vill méi roueg op all de Lëtzebuerger Campinge gëtt, an deemno och gären nach besser Präisser fir d'Locatiounen erauszeschloe sinn.

Um Camping Bissen gëtt sech vill Méi gemaach, fir datt all Gaascht sech an dësem Familljebetrib wuel fillt. Mee och soss setzt sech de Marc Bissen vill an, fir d'Attraktivitéit vun eisem Ländchen ëmmer nees ze verbesseren.

An der Mediathéik:

Lauschteren

Méi zum Thema

LE EU 3
Lëtzebuerg entdecken

De Begrëff Schengen ass a ganz Europa an och doriwwer eraus bekannt. Och wa vill Leit net onbedéngt wëssen, wou den Numm hierkënnt. Am Europa Musée gëtt ee méi iwwer d'Hannergrënn gewuer.

Didactic Trail
Lëtzebuerg entdecken

De Biergbau ass am Süden net nëmmen Thema an de verschiddene Muséeën, mee och wann een duerch d'Natur geet, ass en nach iwwerall present. De Pit Walté war op der Plaz.

Camping Ettelbruck
Lëtzebuerg entdecken

Zu Ettelbréck gëtt den Trend bestätegt, datt ëmmer méi Lëtzebuerger hire Wee nees op heemesch Campinge fannen. Et huet een eng wonnerbar Vue, mee et ginn och praktesch Grënn, firwat de Camping beléift ass.

Arméimusée
Lëtzebuerg entdecken

Am Militärmusée zu Dikrech wëllt een net nëmmen d'Erënnerung u schwéier Zäite lieweg halen, mee och sengem pädagogeschen Optrag gerecht ginn. De Pit Walté war dohinner kucken.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen