100,7-Klassesall D'Greta Thunberg, den Indiana Jones an d'Ann Spann

Am 100,7-Klassesall kucke mir ënner anerem, wat d'Greta Thunberg eigentlech mécht, mir kréie vun de Bommelen erzielt, d'Renée Weber zielt eis d'Geschicht vun der Ann Spann weider, a mir kréien eng Aufgab.

Klassesall
Foto: Bigstock / smolaw

Noriichten

Wat mécht eigentlech d'Greta Thunberg elo? Déi 16 Joer al Schwedin ass jo bekannt wéinst de Klimaprotester.

Millioune vu Schüler a Jonke waren d'lescht Joer iwwerall an der Welt op d'Strooss gaange fir dat ze maachen, wat d'Gretha Thunberg als éischt gemaach hat: Nämlech, een Dag net an d'Schoul, mee op d'Strooss ze goen a vun de Politiker fuerderen, si misste méi géint de Klimawandel maachen.

Wat geschitt elo mat dëse Protester? De Pierre Reyland vun de Noriichten huet dat nogesicht.

Lauschteren


D'Liewe vun de Bommelen

Kënnt dir iech nach erënneren, virgëschter huet d'Muriel aus dem natur musée eis erzielt, datt si enger Bommelkinnigin am Gaart begéint ass an och wéi een enger Bommel, déi ganz schwaach ass mat Zockerwaasser d'Liewe rette kann.

Haut geet et weider mat de Bommelen an d'Muriel erzielt eis, wéi e ganzt Bommelevollek bis den Hierscht wiisst a lieft.

Lauschteren


Ann Spann

D'Renée Weber erzielt eis elo, wéi et mat der Ann Spann weidergeet. Virgëschter hu mir jo héieren, datt d'Ann Spann et fuerchtbar langweileg fënnt Spannennetzer ze bauen. Haut huet d'Ann Spann e ganz komeschen Dram an do kënnt dann och de Rolfi Raup mat an d'Spill.

Déi laang Version lauschteren

Et hunn eis och Kanner Biller vun der Ann Spann erageschéckt:

Nora

Léini


D'100,7-Aufgab

Haut wandele mir op de Spuere vum Indiana Jones. Mir froen eis haut, wéi d'Welt an der Steenzäit ausgesinn huet a ginn op Fuerschungsrees mam Script. Den Challenge heescht: op de Spuere vum Indiana Jones: mir interesséieren eis fir Hielefuerscher, Archeologen, Historiker an Hielemoler.

Méi Informatiounen fënnt een op schouldoheem.lu


Mir schreiwen e Buch

Nodeems d'Sunni deen éischten Owend eng komesch Gestallt gesinn hat, awer keen him dat wëllt gleewen, mécht et sech an der zweeter Episod Gedanken, wéi et déi aner kënnt vun der Wouerecht iwwerzeegen.

Zum Gléck fënnt hatt Hëllef beim Rafael an an der Nuecht treffe si sech bei der Bierk um Bëschrand.

Lauschteren

Méi zum Thema

Bild-Diktat
100,7-Klassesall

Am 100,7-Klassesall gëtt et haut d'Opléisung vum Bilddiktat: mir kucken eis dat originaalt Bild un, a wat d'Kanner eis erageschéckt hunn. D'Kyra aus der Villa Vauban huet och déi nächst Aufgab fir eis!

eidele Klassesall
100,7-Klassesall

D'Julie Treff aus dem Luxembourg City Museum verréit eis, wien de berüümtste Lëtzebuerger war, mir begéinen enger Bommelkinnigin, maachen en Experiment mat Waasser a schreiwe weider un eisem Roman.

Klasseraum
100,7-Klassesall

Am zweeten Dag vun der radio 100,7-Schoul gi mir mam Carmen an den natur musée op d'Spuere vu gëftegen Déieren, d'Renée Weber erzielt eis eng Geschicht vun der Ann Spann an nach villes méi.

Molen
100,7-Klassesall

Am 100,7-Klassesall presentéiere mir en Diktat, awer keent mat Buschtawen a Sätz, nee, mir molen e Bild. Blat a Bläistëfter prett? D'Kyra Thielen vun der Villa Vauban diktéiert.

Den Elias, de Sami an de Patrick Michaely
Emissioun fir Kanner

Mam Roland Meyer schreiwe mir haut e Buch, mam Patrick Michaely entdecke mir de Stärenhimmel. De Maurice Molitor erkläert, wou d'Wuert Quarantän hierkënnt, mir maachen en Experiment mam Mister Science a villes méi.

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen