Antisemitismus "D'Thema muss iwwerall behandelt ginn"

Fäll vun Diskriminéierung an de Schoule géife normalerweis net beim Ministère gemellt ginn, heescht et aus dem Educatiounsministère. Jee nodeem, wéi grav ee Fall ass, ginn Autoritéiten awer iwwer de Fall informéiert. Bis op ee Virfall an enger Privatschoul wier kee Fall vun Antisemitismus an de Schoulen zu Lëtzebuerg bekannt, äntwert den Educatiounsminister op eng parlamentaresch Fro.

Françoise Keller / tsk

Géint Diskriminatioun
(Foto: Bigstock/ Kamira)

Dëse Virfall vun Antisemitismus an enger Privatschoul wier vun der Schoul selwer sanktionéiert ginn, seet de Pierre Reding, éischte Conseiller am Educatiounsministère. "D'Schoule si senséiert, do direkt ze reagéieren. Si sollen eis och normalerweis direkt informéieren. Virun allem ass et kee Kavaléiersdelikt. Jee nodeem gëtt do och d'Police oder d'Justiz ageschalt."

Am Fall vun Diskriminéierung an enger Schoul géifen heiansdo d'Juriste vum Educatiounsministère ëm Rot gefrot ginn. De Ministère wier virun allem am präventive Beräich aktiv. D'Schüler missten déi néideg Informatiounen an Haltungen zum Thema vermëttelt kréien.

"Do mussen all d'Professere vun deene verschiddene Fächer matschaffen. All Enseignant kann emol mat antisemiteschen Aussoe vu Schüler konfrontéiert ginn. Da musse se wëssen, wéi se reagéieren. Dofir ass et wichteg, datt mir all d'Schoulgebaier doriwwer opmierksam maachen."

Speziell Formatioune fir Enseignanten

2019 wäert Lëtzebuerg d'Presidence vun der "International Holocaust Remembrance Alliance" iwwerhuelen. Dowéinst soll d'Thema an deenen nächsten zwee Joer an doriwwer eraus an de Schoulen nach méi an de Virdergrond geréckelt ginn, esou de Pierre Reding. "D'Thema muss iwwerall behandelt ginn."

D'Enseignanten géifen duerch Formatiounen doriwwer informéiert gi, wéi si mat Fäll vun Diskriminéierung sollen ëmgoen. An den nächste Jore géif weider an dësem Beräich investéiert ginn.

"Schoulintern wëlle mir Formatiounen ubidden an d'Thema an de Konferenzen diskutéieren. Mä och spezialiséiert Formatioune sollen an Zukunft ugebuede ginn. Déi éischt, déi hei viséiert sinn, sinn déi Leit déi d'Fach 'Vie et société' enseignéieren."

De sougenannte Wäerterunterrecht soll an der Grondschoul vun der Rentrée un a Kraaft trieden. Am Secondaire gouf d'Fach schonn am September d'lescht Joer agefouert.

Méi zum Thema

Lex Delles.JPG
Schoul

Am September ginn d'Reliouns- an d'Moralscoursen an der Grondschoul duerch "Vie et Société" ersat. De Lex Delles vun der DP seet, eng 2.300 Enseignante wiere scho prett, fir den neie Cours ze halen.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • radio 100,7: Changement à la tête de la rédaction musicale

    M. Yves Stephany a été nommé à la tête de la rédaction musicale de la radio de service public radio 100,7. M. Stephany, 37 ans, y prend la relève de M. Fred Medernach qui a fait valoir ses droits à la retraite.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen