Juegd "D'Wëllschwäin hu keen natierleche Feind an der Natur!"

De Wollef an de Luchs hunn a fréieren Zäiten de Bestand vun de Wëllschwäi reguléiert. Si sinn awer aus eise Géigende verschwonnen. Domat ass d'Juegd de Moyen fir d'Populatioun vun de Wëllschwäin am Grëff ze behalen.

Sophie Morang / cbi

E Wëllt schwäin
An der Natur geet keen dem Wëllschwäin un de Pelz. Foto: Bigstock /Jakub Mrocek.

D'Naturverwaltung huet keng konkret Zuelen iwwer d'Bestänn vun de Wëldaarten, deemno och net iwwer d'Wëllschwäin. "Et wier vill ze opwendeg dat opzestellen", seet de Laurent Schley, Directeur adjoint vun der Naturverwaltung.

Et kéint awer duerchaus sinn, datt de Bestand dëst Joer méi grouss ass wéi soss: vill Schied an der Landwirtschaft an op de Wise géifen dorop hindeiten. "Et gëtt keng eenzel Ursaach, firwat dat esou ass", esou de Laurent Schley. Natierlech Fluktuatioune wieren ëmmer méiglech, dobäi komme Facteure wéi Klima oder Nahrung.

D'Wëllschwäi lackeren iwwregens mat hirer Sich no Wierm an Eechelen am Bësch de Buedem op, domat kënnen nei Planzen entstoen, esou de Laurent Schley.

D'Juegd ass an der Kritik, mee ...

Dëse Weekend war am Frankräich eng Klappjuegd, fir déi en Deel vun der A31 gespaart gouf. Esou eng Juegd beschwiert vill Kritiken erop. "D'Juegd ass zu Lëtzebuerg awer de Moyen, de Bestand ze reguléieren", seet de Laurent Schley.

"An enger natierlech Situatioun wier d'Wëllschwäi méi ënner Drock. Et huet awer keng natierlech Feinde méi, nodeem de Wollef, de Luchs an de Brongbier aus eise Géigende verschwonne sinn. Den Equiliber vun der Natur ass duerch de Mënsch gestéiert", esou de Laurent Schley. De Mënsch hätt nun eemol en immensen Afloss op d'Natur.

Méi zum Thema

Georges Jacobs
Juegd

E Verbuet vun der Klappjuegd wier net realistesch. Domadder reagéiert d'Jeeërfederatioun op eng ëffentlech Petitioun géint d'Klappjuegd, déi a kierzter Zäit déi néideg 4.500 Ënnerschrëfte krut.

Réi Dubos
Aarten- an Déiereschutz

De Lëtzebuerger Wëldschutzverband ass zanter Kuerzem als Déiereschutzorganisatioun unerkannt. Dat wier ee Widdersproch zum Déiereschutzgesetz, mengt de gréngen Deputéierte Gérard Anzia.

Camille Gira a Georges Jacbos Riicht Eraus
Ëmweltpolitik

D'Hobby-Jeeër hei zu Lëtzebuerg géifen haut eng gutt Aarbecht maachen, seet de Staatssekretär Camille Gira. D'Juegd wier och nees méi populär ginn, sou de Georges Jacobs, President vun der Jeeërfederatioun.

Fuuss
Emwelt

D'Jeeërfederatioun hält d'Verbuet vun der Fuussejuegt fir ee Risiko fir Mënsch an Déier. D'Naturverwaltung mécht annerhalleft Joer no der Decisioun vun der Regierung ee positive Bilan.

Programm

  • Noriichten

  • On air

    Klassik - Dem Bach seng Mass a si mineur

  • Panorama

  • Mëttes-Concert - "Mein Vaterland" vum Bedrich Smetana

  • Spektrum - Best Of Eurosonic

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen