Lëtzebuerg entdecken De Biodiversum an den Haff Réimech

An de Weieren zu Rëmersche ginn et vill Planzen- an Déierenaarten ze entdecken. Am Biodiversum niewendrun ginn et vill Informatiounen dozou.

Pit Walté / cbi

Biodiversum 1

"D'Entréesdier fir an d'Naturschutzgebitt Réimecher Haff", esou beschreift de Steve Jungen de Naturschutzzenter Biodiversum. Duerch divers Ausstellungsstécker an Informatiounstafele kritt een d'Weieren, déi niewendru leien, e bësse méi no bruecht, esou de Responsabele vum Center.

Am Ufank vun der permanenter Ausstellung kritt een erkläert, wéi de Site entstanen ass. "Dat heescht, do gi mir bis op d'Kelten an d'Réimer zeréck, also wat virun eis war.", seet de Steve Jungen. Wéi d'Musel begradegt ginn ass, si vill Biotope verluer gaangen, an den Haff Réimech wier dowéinst a senger aktueller Form souzesoen en Ersatz, seet hien.

An de 50er a 60er Joren gouf de Sand ausgebaggert an déi Lächer si mat Waasser gefëllt ginn, erkläert den Ornitholog Patric Lorgé. Dann hätt een der Natur fräie Laf gelooss, wat een och bei de Lagerhale géif gesinn.

Komplett onberéiert ass d'Natur op der Plaz net, et goufe Weeër ugeluecht an och Beobachtungshaisecher fir Visiteure goufen opgebaut. An do kann een da ganz gutt déi aarteräich Flora a Fauna bewonneren.

Iwwer 40 Libellenaarten. dorënner och Aarten, déi soss an Europa ganz seele sinn, kann een hei fannen. "Et sinn och iwwer 250 Vullenaarten hei festgestallt ginn", erzielt de Patric Lorgé. Et fënnt een och vill Beienaarten a Fësch am Naturschutzgebitt Réimecher Haff. Domadder wier et ee vun den aarteräichste Fiichtgebidder a ganz Lëtzebuerg.

Wann ee sech d'Weiere wëll ukucke goen, kann een dat natierlech op eege Fauscht maachen, et kann een dat awer och mat engem Guide maachen. Informatiounen dozou ginn et op biodiversum.lu. A wann Dir vläicht och Loscht hutt op anere Plazen am Land méi iwwer d'Natur gewuer ze ginn, et existéieren och aner Naturschutzzentere wéi Mirador am Ellergronn oder Buerfelt beim Stauséi. Informatiounen zu de fënnef Naturschutzentre fënnt een op emwelt.lu

An der Mediathéik:

Lëtzebuerg entdecken / / Pit Walté
Lauschteren

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen