Lëtzebuerg entdecken De Päiperleksgaart zu Gréiwemaacher

Wie sech gären an e tropesche Bësch entféiere léist a sech dobäi och Pimpampelen ukucke wëllt, fir deen ass de Päiperleksgaart zu Gréiwemaacher genee dat richteg. De Pit Walté war bis dohi kucken.

Pit Walté / cz

Päiperleksgaart

28 Grad an 70 Prozent Loftfiichtegkeet huet een an deem ganz spezielle Gaart zu Gréiwemaacher. An dat muss een och hunn, well soss kënnen déi Zorte Päiperleken, déi et do gëtt net iwwerliewen, seet d'Maud Hansen, vu Yolande Coop, déi de Gaart geréieren. D'Päiperleke wieren en tropesche Klima gewinnt. Et schafft och eng Biologin am Gaart, déi sech ënner anerem ëm d'Aarte-Vilfalt këmmert. Si mécht och Bestellungen a si variéiert d'Zorten, esou datt een um Ufank vun der Saison aner Aarte gesäit, wéi méi spéit.

Am Schnëtt fléie 600 Päiperleken duerch dee klengen tropesche Bësch. Nei Exemplare kommen aus dem Costa Rica oder de Philippinnen, mee et kritt ee se awer net als fäerdege Pimpampel. Geliwwert ginn d'Päiperleken a Form vu Poppen, dat heescht si hunn hir Metamorphos nach net fäerdeg gemaach. Zu Gréiwemaacher gi se dann an enger Poppe-Këscht opgehaangen an där se hir Metamorphos ofschléissen, bis se fräi duerch de Gaart fléien.

Wann een als Visiteur am Päiperleksgaart ënnerwee ass, gesäit een déi kleng Déiercher iwwerall ronderëm fléien, an de verschiddenste Gréissten a Faarwen. An datt do Mënsche ronderëm lafen, géif d'Päiperleken am Prinzip net stéieren, seet d'Maud Hansen.

"Si fléien duerch de Gaart. Se setzen sech mol engem op d'Schëller, mee da sise och nees séier fort. Mee et muss ee sech am Gaart schonn u verschidde Reegelen halen."

Gegrënnt gouf de Päiperleksgaart 1989. 2011 huet Yolande Coop d'Gestioun iwwerholl. An där Zäit huet sech de Gaart verännert, verschidde Renovatioune goufe gemaach, de Buttek an d'Restauratioun goufe méi grouss, an och wéi de Gaart an der Zär ausgesäit, gouf ëmmer nees changéiert.

An an dem klengen tropesche Bësch sinn net nëmme Päiperleken ënnerwee.

"Mir hunn eng ganz Réi Terrarien, mat zwee Chamäleonen, Geckoen, Dausendfüssler a Schleeken. Am Weier hu mir Fësch a Schildkröten. An duerch de Gaart lafe chinesesch Zwerg-Wachtelen. Dat ass sou bëssen d'Police vum Gaart, well déi Insekten iessen, ënner anerem Spannen, fir esou d'Päiperleken ze schützen."

Wie méi Informatiounen zum Gaart an de Päiperleke wëllt, dee ka sech am Virfeld e Guide dobäi buchen. Och fir Kannergebuertsdeeg gëtt et eng Offer, wou si de Gaart kannergerecht erkläert kréien.

An der Mediathéik:

Lëtzebuerg entdecken / / Pit Walté
Lauschteren

Méi zum Thema

Bourschter Schlass
Lëtzebuerg entdecken

Zu Buerschent kann ee sech déi gréisste Ruinenanlag vu Lëtzebuerg ukucke goen. Nieft der Geschicht erwaart een do och eng flott Vue. De Pit Walté war sech d'Schlass zu Buerschent ukucken.

Camping Bissen
Lëtzebuerg entdecken

Déi eenzeg aachteckeg Kapell hei am Land, ganz am neogotesche Stil gebaut, steet net wäit vum Camping Bissen ewech. Si huet en historesch wichtegen Hannergrond, huet de Claude Faber erausfonnt.

Programm

  • Spektrum

  • On air

    Ënnerwee

  • Noriichten

  • Papperlapop

  • The Benny Brown Show

Net verpassen

  • Neien Owesprogramm um radio 100,7

    Grille Header

    De radio 100,7 huet sech als Zil gesat, déi vilfälteg an divers Realitéite vun der Lëtzebuerger Gesellschaft, déi sech konstant weiderentwéckelt, erëmzeginn.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen