"Qu'ils se débrouillent" En autonoomt Liewen an Dignitéit

Enn lescht Woch ware Plakater uechter d'Land opgehaange ginn, op deenen een afrikanesch Famille gesäit an de Schrëftzuch: "Qu'ils se débrouillent" / "Se sollen eens ginn". Doropshin hu sech verschidde Leit bei der Police an der Press gemellt, well se e rassisteschen Hannergrond gefaart hunn. Gëschter awer huet d'Associatioun SOS Faim am Kader vun enger Pressekonferenz opgekläert, datt et Deel vun hirer Campagne wier.

Pit Walté / cbi

Qu'ils se débrouillent
Foto: SOS Faim

De Gedanken hanner der Campagne wier et gewiescht, d'Leit hei zu Lëtzebuerg doriwwer opzeklären, datt vill Afrikaner sech vun der Ofhängegkeet léise wéilten. Op länger Siicht wéilt een net méi op Hëllef - aus Europa zum Beispill - ugewise sinn, esou den Thierry Defense, Direkter vun SOS Faim.

D'Mënschen hätte genuch Iddien, Courage a Kreativitéit fir selwer "eens ze ginn". D'Objektiv vun dëser Campagne a vun SOS Faim am Generelle wier et, et dëse Leit ze erméiglechen en autonoomt Liewen an Dignitéit ze féieren.

Vill Reaktiounen

Datt et esouvill Leit ginn hätt, déi op d'Plakater reagéiert hunn, well si geduecht hunn, se hätten e rassisteschen Hannergrond, wier e gutt Zeechen, seet den Thierry Defense. Et wier awer net d'Intentioun gewiescht ze provozéieren, och wann ee mat Reaktiounen aus der Populatioun gerechent hätt.

Et hätt donieft och Kritik ginn, datt déi Persounen, déi een op de Plakater gesäit, net authentesch wieren, seet nach den Thierry Defense, Direkter vun SOS Faim. Hie wéilt awer versécheren, datt ee Leit aus deene Regioune gefrot hätt, déi een ënnerstëtzte wéilt, an déi hätten och gewosst, ëm wat et goe géif.

Elo start SOS Faim déi zweet Phas vun der Campagne, bei där Plakater opgehaange ginn, déi déi ganz Aktioun vun SOS Faim erkläre sollen.

An der Mediathéik:

Aktuelles / / Pit Walté
Lauschteren

Méi zum Thema

Paulette Lenert
Entwécklungshëllef

Iwwer déi nächste Joer wëllt d'Kooperatiounsministesch Paulette Lenert weiderhin ee Prozent vum RNB an d'Kooperatioun fléisse loossen. Prioritéite bleiwen d'Educatioun, Santé, Agrikultur a Waasser.

Oumar Sow
Afrika

De Jurist Oumar Sow schafft fir en erfollegräiche lokalen agropastorale Projet an hie war och Vertrieder vun der Zivilgesellschaft vum Senegal fir d'Ausschaffe vun den internationalen Objektiver fir eng nohalteg Entwécklung am Joer 2015.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen