Mäin Europa Filmer ouni Grenzen?

Ëmmer méi Leit kucke Filmer an Tëlee um Internet. Mee de Choix op Film- a Videostreaming-Plattformen ass méi limitéiert, wéi ee menge kéint an hänkt vum Land of, an deem ee wunnt.

Pierre Reyland / cbi

Geoblocking an der EU
Geoblocking: Net nëmmen an der EU ee Problem. Foto: Bigstock / tanaonte

Den Internet huet d'Gewunnechten, fir Filmer an Tëlee ze kucken, fundamental geännert. Vill Leit kucke Serien oder Filmer iwwer Onlineplattforme wéi Netflix. Mee: D'Offer vun dëse Plattformen ass net déi selwecht wéi an den USA. Net all Film ass zu Lëtzebuerg disponibel, deen een an den USA oder an anere Länner kucke kann. Datt een um Internet net iwwerall alles kucke kann - dorunner gëtt ee reegelméisseg erënnert. Zum Beispill, wann een e Reportage oder Documentaire kucke wëll, dat awer dacks net geet.

"Et huet mat Rechter ze dinn", sou der BBC hir einfach Erklärung fir déi héich komplex Matière vun de Rechter fir Filmer an aner audiovisuell a kënschtleresch Wierker. Am "Office de la Propriété Intellectuelle" vum Lëtzebuerger Wirtschaftsministère erkläert d'Iris Depoulin. Filmer, Musek, Bicher an aner Kreatioune si geschützt duerch Droits d'auteuren, déi Deel si vun der Propriété intellectuelle.

Territorial Ënnerscheeder a VPNen

Hei ginn et territorial Ënnerscheeder, och ënner "Geoblocking" bekannt. D'Rechter fir Filmer an audiovisuelle Contenu ginn ëmmer no de Linguisteschen Territoire verkaf, erkläert den Nicolas Steil, Nicolas Steil, President vun der Lëtzebuerger Produktiounsfirma Iris Productions a vun ALGOA, der Lëtzebuerger Associatioun fir d'Gestioun vun Audiovisuelle Wierker.

Mee e Choix ouni Grenzen, zu all Zäiten, a wa méiglech fir minimal Käschten oder gratis, ass dat, wat hautzedaags vu ville Konsumenten um Internet erwaart gëtt. A wann de Film oder d'Serie, déi ee grad kucke wëll, op der Streamingplattform an deem Land wou een lieft net disponibel ass, ginn et Weeër, fir dat ze ëmgoen.

Zum Beispill mat engem VPN - engem Virtual Private Network. Mat engem VPN kann ee seng Internetverbindung iwwer en "Tunnel" iwwer en anert Land ëmleeden, an da kann een esou awer Accès op verschidde Serien a Filmer kréien an de Geoblocking ëmgoen. E VPN ze benotzen ass per se net illegal, mee se kënnen awer fir illegal Aktivitéite benotzt ginn. Esou kann ee mam VPN (oder anere Systemer) déi territorial Grenzen ëmgoen an esou d'Droit d'Auteuren net respektéieren.

En digitalen europäesche Bannemaart

D'EU-Regulatioune fir de Geoblocking um Internet ännere sech. Am Dezember zejoert ass zum Beispill eng nei Regulatioun a Kraaft getrueden, déi den online Handel betrëfft. Fir vill Produiten a Servicer, déi een um Internet kafe kann, gouf de net-justifiéierte Geoblocking ofgeschaaft, fir de Konsumente méi Choix ze ginn.

Ee Beispill: E belsche Client, deen e Frigo kafe wëllt, an déi bescht Offer op engem däitsche Site fënnt, kann elo do kafen, an dierf op deem däitsche Site net méi blockéiert ginn. E Schrëtt an d'Richtung vun engem digitalen europäesche Bannemaart, engem Marché unique digital. Allerdéngs bleift den audiovisuelle Beräich an dëser neier Regulatioun bis op Weideres ausgeschloss.

Déi territorial Lizenzen, déi fir Filmer an audiovisuelle Contenu ausgehandelt ginn, kéint ee net als "onjustifizéiere Geoblocking" bezeechnen, seet d'Iris Depoulin vum Lëtzebuerger Office de la Propriété Intellectuelle.

Dëse Prinzip un der Territorialitéit wier d'Fundament vun der Propriété intellectuelle an den Droit d'auteuren, betount d'Elisabeth Guissart vun der Etude Claw. En méi allgemengt Ofschafe vu Geoblocking fir audiovisuell Contenuen, mat enger Uniformisatioun an Harmonisatioun an der EU, hält si dowéinst fir onwahrscheinlech.


An Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.

An der Mediathéik:

Mäin Europa / / Pierre Reyland
Lauschteren

Méi zum Thema

Geoblocking an der EU
Bilan EU-Kommissioun

D'Schafe vun engem digitale Bannemaart, ouni Grenzen an ouni Hindernisser: dat war eng Prioritéit vun der Kommissioun vum Jean-Claude Juncker. Ass dat gelongen? Eng Aschätzung vun zwee Experten.

Online Shopping
Online-Handel

Geoblocking, deen Online-Clienten onfair behandelt huet, soll an der EU ofgeschaaft ginn. An Zukunft ka jiddereen zu deenen nämmlechte Konditiounen akafen. Dat gëllt awer net fir Filmer, Musek oder E-Bicher.

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen