Invité am Moies-Magazin Lauschter op däi Bauchgefill!

De Sven Hannawald war ee vun de beschte Schisprénger vun allen Zäiten. Den éischte Sportler, deen déi véier Kompetitioune vun der mythescher "4-Schanzen-Tournee" gewonnen huet, hie war Weltmeeschter a Goldmedaillegewënner bei den Olympesche Spiller zu Salt Lake City. Mee an der Zäit vum gréisste Succès koum d'Enn. De Sven Hannawald ass an e Burn Out gefall, ass awer mat vill Méi an Energie nees am normale Liewe gelant. Hien ass keen Eenzelfall an dofir wëllt hie mat senger Liewensgeschicht anere Mënschen hëllefen.

Jean-Claude Majerus / cbi

Sven Hannawald
Sven Hannawald: Vum Leeschtungssport an de Burn Out

Datt engem eppes am Sport a besonnesch am Schisprangen, geschéie kann, domat géif een opwuessen, seet de Sven Hannawald. D'Thema Stress wier deemools allerdéngs net ugeschwat ginn. Wann hien elo zeréckbléckt, da war just de Futtballspiller Sebastian Deisler en Thema gewiescht, deen ënner Depressioune gelidden hat. De Sven Hannawald hat säi Sport gären an et war fir hien als Kand scho kloer, datt hien ee vun de Beschten op der Schanz wëllt ginn.

Den Driff zum Perfektionismus

Als Kand huet hie weider keng Konkurrenz gespiert, mee e war sech awer bewosst, wou hie bis bei de Grousse war, datt Trainingsintensitéit an och de Wëllen musse méi zolidd ginn. An deen Driff huet de Stress sécher net méi kleng gemaach. De Sven Hannawald huet dunn, praktesch um Héichpunkt vu senger Carrière gemierkt, datt hien net a senger Rei wier, mä wat war lass?

Annerhalleft Joer vun Dokter zu Dokter gerannt

Hien hat d'Vertrauen an d'Medezin esou gutt wéi verluer, bis en de richtegen Dokter fonnt huet. Endlech gouf och a Richtung vu stressbedéngten an psychesche Problemer gesicht an eng Diagnos konnt gestallt ginn: "Burn Out-Syndrom". De Sven Hannawald gouf stationär an enger Klinik opgeholl, an u sech war dat eng Erliichterung, fir endlech ze wëssen, wat lass ass. Den Traitement huet gehollef, an de Schiprénger war sécher, datt hien no der Zäit an der Klinik nees géif sprangen. Datt et um Enn anescht koum, huet hie mat der Zäit mussen akzeptéieren an och léieren, mat der neier Situatioun ëmzegoen.

Ech wollt am Spigel dee gesinn, deen ech sinn

De Sven Hannawald ass vun Ufank u ganz oppe mat senger Situatioun ëmgaangen. Hie wollt authentesch sinn an net an eng Roll eragedréckt ginn oder d'Wourecht verheemlechen. An och wann hie Schisprangen huet mussen un de berühmten Nol hänken, géif hien et haut nach emol d'selwecht maachen. Vill méi wichteg war deemools a senger Situatioun, datt et him nees besser goung, an datt hien nees an dat normaalt Liewen zeréckfonnt huet an nees Freed am Alldag gespuert huet.

De Kapp wollt nach, mee d'Bauchgefill war dogéint

D'Kanner lauschteren intuitiv op hir ënnerlech Stëmm. Mee an der séierer Welt, an där mir liewen, loosse mir eis vu villem matrappen. Dat war fir de Sven Hannawald och esou. No sengem "Burn Out" huet hien awer geléiert, sech net vu bausse soen ze loossen, wat gutt fir hien ass a wat net. Fir de Sven Hannawald ass eent kloer, datt déi ënnerlech Stëmm gutt fir eis ass:

"Es gibt hin und wieder auch Kopfentscheidungen aber letzten Endes 80 Prozent ist Bauchentscheidung, weil das ist das Gefühl, was wir haben. Wenn man zu der heutigen Zeit angestellt ist, und natürlich nur Stress hat, dass dann das Gefühl sagt: Man möchte lieber zu Hause bleiben. Das ist klar, dass man das nicht machen kann. Aber das Gefühl ist halt deswegen so, weil es zu stressig ist und dementsprechend muss man lernen damit umzugehen."

E Burn Out kennt keng Ënnerscheeder

E Burn Out-Syndrom ass net nëmmen eng Gefor fir Leeschtungssportler, seet de Seven Hannawald, mee jidderee ka concernéiert sinn. Duerch seng Konferenzen an Workshoppen, déi hien als Corporate Health-Ambassadeur a mat senger Berodungsfirma organiséiert, wëllt hien duerch seng Liewensgeschicht sensibiliséieren an hëllefen. Wat ee sech der Situatioun éischter bewosst gëtt an éischter medezinesch oder therapeutesch Hëllef kritt, wat et besser an de Grëff ze kréien ass.

De Sven Hannawald huet säi Wee duerch den Héichleeschtungssport an dono de Burn Out an engem Buch festgehalen. Den Titel "Mein Höhenflug, mein Absturz meine Landung im Leben". Erauskomm am ZS-Verlag.

An der Mediathéik:

Lauschteren

Méi zum Thema

Patrizia Thiry-Curzietti
Burn-out-Risiko hëlt zou

Burn-out hëlt zou, seet Generaldirektesch vun der ASTF. D'Ursaachen dofir wieren divers. Ëmmer méi Betriber géifen d'Problematik erkennen an eescht huelen, erkläert d'Patrizia Thiry-Curzietti.

Sylvain Hoffmann
Konsequenze vun der Digitaliséirung

Der Digitaliséierung misste Grenze gesat ginn, esou de Sylvain Hoffmann vun der Chambre des Salariés. Eng Méiglechkeet wier d'Recht oder esouguer d'Obligatioun op Deconnectioun.

Workaholic
Aarbechtswelt

D'Fräiheet vum fräie Mënsch am fräie Maart kënnt mat engem zolitte Präis. D'Konterpartie vun der fräier Maartwirtschaft ass d'Erschöpfungsgesellschaft. Dobäi hëlt d'Alienatioun op der Aarbecht zou.

Burnout
Gesondheet

Ëmmer méi Mënsche leiden ënnert engem sougenannte Burnout. Vu ville Säite gëtt gefuerdert, datt de Syndrom als Beruffskrankheet unerkannt gëtt. Ass dat berechtegt? Doriwwer ginn d'Meenungen auserneen.

A young Asian boy terrified and with no hope for the future
Kanner- a Jugendpsychiatrie

Ëmmer méi Kanner a Jugendlecher leiden u psychesche Stéierungen. D'Fäll vu Suicidgedanken oder -versich huelen zou, stellen d'Psychiatere fest. Iwwerdeems wier d'Betreiung zu Lëtzebuerg net optimal.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen