Gesellschaft Lokaliséierung vun den Auslänner zu Lëtzebuerg

48 Prozent vun den Awunner am Grand-Duché sinn Net-Lëtzebuerger. Wou wunne si a wéi wäit musse si fuere fir schaffen ze goen? Dëse Froen ass d'Uni Lëtzebuerg an enger Etude iwwert d'Lokaliséierung vun der auslännescher Populatioun den Nationalitéite nogaangen.

Carole Schimmer / ys

Communautéit
(Illustratioun: Bigstock / elenabsl)

D'Etude déi vun der Uni Lëtzebuerg zesumme mam Statec realiséiert gouf, baséiert sech op de Recensement vun 2011. Si weist drastesch Ënnerscheeder tëscht den Nationalitéiten.

D'Fransousen maachen, zum Zäitpunkt vum Recensement, sechs Prozent vun der Populatioun aus. An der Stad Lëtzebuerg sinn et 14 Prozent. Zanter 2011 geet deen Trend nach no uewen. An absoluten Zuelen hunn d'Fransousen an der Haaptstad d'Portugisen iwwerholl.

Héije Standard bei Fransousen

D'Fransousen déi zu Lëtzebuerg liewen hunn och dacks méi eng héich Qualifikatioun, seet de franséische Konsul zu Lëtzebuerg de Johann Godin. D'Majoritéit vun de Residenten am Déngschtleeschtungssecteur wiere Kaderen. Dat géif sech och an hirem Bildungsniveau erëmspigelen. Iwwer een Drëttel vun de franséische Residenten hätt ee Master. "Da gëtt et nach een anere Profil fir d'Frontalieren. Déi schaffe vill an de Banken a bei Affekoten. Verschiddener och bei internationalen Organisatiounen, dorënner och d'europäesch Institutiounen."

Déi héich Salairen, d'Liewensqualitéit an d'Sécherheet géifen dozou bäidroen, datt déi franséisch Communautéit zu Lëtzebuerg sou dynamesch wiisst, seet de Johann Godin.

Héich Konzentratioune vu Portugisen

16 Prozent vun der Bevëlkerung hat 2011 déi portugisesch Nationalitéit. D'Portugise liewen zu Lëtzebuerg majoritär an de Südgemengen, op der Musel an a verschiddene Gemengen am Éislek, seet d'Etude. An de Gemengen Esch-Uelzecht, Déifferdeng, Iechternach, Veianen a ronderëm d'Fiels géif et eng Iwwerrepresentatioun ginn, seet d'Isabelle Pigeron vun der Uni Lëtzebuerg.

Déi Entwécklung kéim duerch d'Präisser um Immobiliemaart. Et hätt awer och domat ze doen, datt déi Populatioune sech ugezunn hätten, sou d'Paula Martins, Presidentin vun der Confederatioun vun der portugisescher Communautéit.

"Déi Éischt, déi komm sinn, hunn dann hir Famill mat ugezunn, fir op där selwechter Plaz ze schaffen."

Doduerch wier d'Konzentratioun op verschiddene Plazen ëmmer méi grouss ginn. Portugisen aus enger Regioun a Portugal hätte sech och zu Lëtzebuerg dacks regroupéiert.

Den Trajet op d'Schaff

Am Duerchschnëtt hunn d'Leit, déi zu Lëtzebuerg wunnen e Wee vu 15,2 Kilometer fir op d'Aarbecht. D'franséisch Residente fueren am mannste wäit mat enger Moyenne vun 11 Kilometer.

D'Lëtzebuerger deplacéiere sech mat 16 Kilometer méi wäit wéi d'Auslänner, seet d''Isabelle Pigeron. D'Lëtzebuerger géifen déi méi dicht besidelt Géigenden evitéieren. Et kéint een dovun ausgoen, datt d'Lëtzebuerger méi grouss Terrainen, méi grouss Appartementer a manner Kaméidi a Pollutioun géife sichen.

D'Portugise sinn déi Auslänner, déi mat 15,7 Kilometer am wäitste fueren. Dat kéint ee relativéieren, sou d'Paula Martins. Och wann de Sëtz vun der Firma no beim Wunnsëtz wier, géifen Aarbechter dacks duerch d'ganzt Land fueren, fir op engem Chantier ze schaffen. Allerdéngs géife si da vu betribsinternen Transportméiglechkeete profitéieren.

D'Etude vun der UNI Lëtzeuberg misst verdéift ginn, seet d'Isabelle Pigeron-Piroth. Virun allem fir déi weider Entwécklung vun de Communautéiten an der Zäit kënnen z'analyséieren.

An der Mediathéik:

Dossier vum Dag / / Carole Schimmer
Lauschteren

Méi zum Thema

Am Wahlbureau
Gemengewahlen

Zu Lëtzebuerg hu sech ronn 34.500 Auslänner fir d'Gemengewahlen ageschriwwen. Dat sinn 23 Prozent vun de Wahlberechtegten. Trotz enger grousser Kommunikatiounscampagne bleift den Interessi niddreg.

Seminar
OECD-Etude

Der Lëtzebuerger Wirtschaft geet et gutt, seet d'OECD. Awer et misste beim Emploi an der Integratioun vun Auslänner Upassunge gemaach ginn. Och d'Ofhängekeet vum Finanzsecteur gesäit d'OECD kritesch.

Cortège bei Fatima
Gemengewahlen

Portugise solle sech fir d'Gemengewahlen am Oktober aschreiwen. Dofir hat de portugisesche President Marcelo Rebelo de Sousa sech bei senger Visite zu Lëtzebuerg agesat. Ass dee Message ukomm?

Eldorado 3.JPG
Portugisesch Immigratioun

Tëscht de Sproochen, der Ausbildung an de Flichten als Bierger si nach ëmmer vill Portugisen net zu Lëtzebuerg ukomm. Dat huet vill verschidde Grënn. An et gëtt nach ëmmer u Léisunge geschafft.

Programm

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

  • Offre d'emploi

    L'Etablissement de Radiodiffusion Socioculturelle recrute un technicien radio (m/f).

  • radio 100,7 renforce sa rédaction

    Mme Christina Heidt et M. Maurice Molitor rejoignent la rédaction d'actualités de la radio de service public.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen