Etüd iwwer kiferorthopedesch Behandlungen "Orthodontie ass esou vill méi"

D'Lëtzebuerger Vertriedung fir Orthopédie dento-faciale kann d'Kritik vun enger däitscher Etüd iwwer den Notze vu kiferorthopedesche Behandlungen net verstoen. Et hätte sech zwar méi Patienten aus ästhetesche Grënn fir Zännspaangen interesséiert, mee d'Orthopédie dento-faciale wier méi, wéi just dat.

Françoise Keller / cz

Zännspang
Bigstock / AntonioDiaz

Dräi Véierel vun de Patiente fir Orthopédie dento-faciale hei am Land wiere Kanner. Dat seet d'Tresorière vun der Vertriedung vun den zoustännegen Dokteren hei am Land, d'Isabelle Schaack. An déi kleng Patiente géifen net just aus ästhetesche Grënn behandelt ginn. Et géif Fäll an deenen de Kifer esou kromm wier, datt déi Betraffen de Mond net méi richteg kéinten zoumaachen. Verschiddene Leit missten duerch de Mond ootmen, well et anescht net méi géif goen, seet d'Doktesch Isabelle Schaack. Anerer hätten asymmetresch Kifermuskelen, déi spéider fir Problemer suerge kéinten. An der concernéierter Etüd géifen déi Problemer awer guer net ernimmt ginn.

Verschidden Auswierkungen nach net genuch ënnersicht

D'Etüd, déi déi däitsch Regierung an Optrag ginn huet, beleet, datt kiferorthopedesch Behandlungen, zum Beispill duerch eng Zännspaang, zwar erfollegräich Zänn riichten an an déi richteg Positioun brénge kann, an datt dat sech positiv op d'Liewensqualitéit vun de Patienten auswierkt. D'Auswierkungen op Zännausfall, Karies-Risiko a Paradontos vun esou Behandlunge wier bis elo nach net genuch ënnersicht. Déi Observatioun erstaunt d'Isabelle Schaack. Wann ee seng Zänn net wäsche kéint, da kréich ee fréier oder spéider Karies. Mee d'Orthodontie hätt Auswierkungen op esou vill méi.

Krankekeess rembourséiert nëmmen a medezinesche Fäll

D'Krankekeess kéim nëmme fir déi kiferorthopedesch Behandlungen op, déi een noweisbare medezineschen Zweck hunn, esou nach d'Doktesch Isabelle Schaack. Déi Behandlungen, déi virum Alter vun 18 Joer ugefaange ginn, gi vollstänneg rembourséiert.

Méi zum Thema

Zänndokter
Tiers payant

D'Argumenter vun den Doktere géint eng Verallgemengerung vum Tiers payant System wieren alleguerte falsch seet de President vun der Patientevertriedung. Och d'CMCM attackéiert d'Doktesch- an Zänndokteschassociatioun.

Alex Cameron
Forced Witness vum Alex Cameron

Ass et Kritik, Satir oder séngt den Alex Cameron iwwert sech? Den Australier beschäftegt sech mat rosene wäisse Männer. D'Lidder sinn deguelasse an danzbar. Kierperflëssegkeete bilde meeschtens d'Basis.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen