Gesondheet Sinn ze vill (Ouschter)eeër ongesond?

Mat Ouschtere stinn déi üblech Traditioune virun der Dier: d'Fierwe vun Eeër gehéiert dozou. Dacks gëtt gesot, datt et ongesond wier, ze vill Eeër a kuerzer Zäit ze iessen. D'Lis Muller, Dieteticienne a Responsabel vum Berodungsservice zu Munneref am Thermalbad, seet, Eeër hätten am Prinzip keng negativ Auswierkungen op d'Gesondheet.

Kevin Nilles / cbi

Ouschtereeër
Ass et ongesond, wann een ze vill Eeër ësst? Mir hunn nogefrot. Foto: Bigstock / scamp

Et gehéiert an eise Géigenden dozou, ronderëm Ouschteren Eeër ze fierwen an ze iessen. Mee: ass dat wierklech gesond fir de mënschleche Kierper, wann een a kuerzer Zäit vill Eeër ësst? Wann dat just an der Ouschterzäit geschitt, géif et engem gesonde Mënsch näischt ausmaachen, wann een e puer Eeër hannerteneen ësst, seet d'Lis Muller.

D'Dieteticienne weist drop hin, datt Eeër net schlecht fir den Niveau vum Fett am Blutt wieren, och wann dat fréier gemengt gi wier. "D'Leit kréien éischter en héije Cholesterol, well si ze fetträich iessen a besonnesch ze vill déieresch Fetter zu sech huelen."

Trotzdem solle Leit, déi Problemer mam Cholesterol hunn, maximal véier Eeër an der Woch iessen, esou d'Lis Muller. "D'Ee bleift e Liewensmëttel, wat méi fetträich ass, dat muss ee sech virun Aen halen."

Wann d'Eeër bis gekacht a gefierft sinn, da kéint ee se bis zu zwou Wochen halen, erkläert d'Dieteticienne. Eeër mat Téitsche wieren awer ëmmer mat Virsiicht ze genéissen a sollten am Zweiwelsfall net méi giess ginn.


De Kevin Nilles mat Detailer:

Lauschteren

Méi zum Thema

Zocker
Iessen a Gesondheet

Experte si sech eens: Zocker ass ongesond. Ass eng Zockertax dofir sënnvoll? Eng international Etüd mat Lëtzebuerger Participatioun ass där Fro nogaangen - an ass dofir an de südamerikanesche Chile gefuer.

Programm

Praktesch Infoen

  • 31.5. Schengener Gespréicher

    31.5. Schengener Gespréicher

    D'Pandemie - vum Coronavirus ausgeléist - huet dem Commerce an der Groussregioun grouss finanziell Abousse bruecht. Mëttlerweil sinn d'Geschäfter nees op, mee vun enger ekonomesch gesonder Vitesse de croisière ass een nach wäit ewech.

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen