Déiereschutz Wéi reagéieren, wann een Hënn eleng am Auto gesäit?

All Joer leiden oder stierwen Déieren, well si op engem waarmen Dag eleng am Auto gelooss goufen. Wann d'Fënstere vum Auto zou sinn, an d'Déieren näischt ze drénken hunn, kann dat dramatesch Konsequenzen hunn. Wéi soll een am beschte reagéieren, wann een op engem Parking en Déier am Auto gesäit, dat an deem Fall ass?

Tessy Steffen Koenig / cz

Hond am Auto
Foto: Bigstock / keleny

Fir d'éischt sollt een d'Leit ronderëm froen, wéi laang den Auto schonn do steet, fir erauszefannen, wéi grouss d'Gefor fir d'Déier ass. Et ass nämlech dem Gesetz no verbueden, selwer d'Fënster einfach anzeschloen. Dat dierf nëmmen d'Police maachen, seet den Sascha André.

Wann ee mierkt, datt d'Déier an extremer Liewensgefor ass, da misst ee selwer decidéieren, ob een de Risiko op sech hëlt, fir d'Fënster anzeschloen. Dee Moment muss een nämlech eventuell mat enger Geldstrof wéinst Sachbeschiedegung rechnen, seet den Déiereschützer.

"Déier mat Mënsch gläichsetzen"

Wann ee Kand an engem waarmen Auto sëtzt, wier een obligéiert, fir direkt anzegräifen, seet de Sascha André. "Do dierf een also d'Fënster direkt aschloen, fir d'Kand ze retten. Dofir wiere mir natierlech frou, wann an Zukunft géif driwwer nogeduecht ginn, fir d'Déier gläichzesetzen."

Et sollt ee säin Hond bei waarmen Temperaturen am beschten ni am Auto loossen. Als Fauschtregel gëllt, datt all Minutt d'Temperatur am Auto ëm ee Grad an d'Luucht geet. D'Duerchschnëttstemperatur vum Hond ass 38 Grad. Vun 42 Grad u gëtt et fir den Hond kritesch."

Am beschten hëlt een den Hond also wéinstens aus dem Auto eraus. Verschidde Geschäfter hätten een Drénkknapp virun der Dier stoen. Dat wichtegst wier, datt ee probéiert sech ze organiséieren. Wann een Akafe goe muss, wier et am beschten, den Hond entweder doheem ze loossen, oder engem den Hond unzevertrauen.

Sensibiliséierung immens wichteg

Déierebesëtzer misste weider sensibiliséiert ginn. Eng Rei Associatioune maachen dat och op hire Facebooksitten, grad am Fréijoer an am Summer, wann d'Temperaturen ufänke méi waarm ze ginn, sou de Sascha André.

Et kéint ee Clippen ophuelen, déi um Radio oder um Fernseh lafen a Flyeren drécken. Hie kéint sech och eng Kooperatioun mat de grousse Butteker virstellen, seet de Sascha André.

An der Mediathéik:

Aktuelles / / Tessy Steffen Koenig
Lauschteren

Méi zum Thema

Roger Schauls
Wollef

D'Mënsche missten erëm léiere mam Wollef ze liewen, seet de Roger Schauls vum Mouvement écologique. De Wollef ass e wichtege Regulateur vun de Wëld- a Beembestänn. Fir de Mënsch wier en net geféierlech.

Lea Bonblet.JPG
Naturschutz

Lëtzebuerg wier dat europäescht Land, wou de Liewensraum fir Déieren am meeschten zerschnidden ass, seet d'Lea Bonblet vun der ONG Natur an Ëmwelt. Den Afloss vum Klimawandel wier schwéier ofzeschätzen.

Schildkröt Plastik
Ëmwelt

All Joer geroden tëscht fënnef a 14 Milliounen Tonne Plastik an d'Weltmierer. Verschidde Liewewiese kéinte masseweis stierwen, wann d'Verschmotzung vun de Mierer weider zouhëlt, warnen Experten.

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen