Lokal Mataarbechter am Afghanistan musse wielen: entweder de Salaire vun engem Joer am Viraus kréien, oder aus Afghanistan evakuéiert ginn. Déi däitsch Oppositiounsparteie kritiséieren dës Mesure schaarf.

Et hätt kee Wäert déi national Klimaziler als Reaktioun op den neien IPCC-Rapport eropzeschrauwen, seet de François Bausch. Et sollt een d'Reduktiounen, déi schonn decidéiert sinn, iwwerhaapt mol erreechen.

Mat véier Personal vum Militär a véier Fligeren op der Plaz versicht d'Belsch ronn 600 Persounen aus dem Afghanistan ze evakuéieren. Bis elo konnte 400 Leit aus Kabul ausgeflu ginn.

Déi néng Leit mat engem Lien zu Lëtzebuerg konnten nach ëmmer net aus Afghanistan evakuéiert ginn. Si hänke weiderhi fest a waarden op ee Fluch a Richtung Islamabad am Nopeschland Pakistan.

Bei der däitscher Bunn ass haut a muer nees e Streik vun de Maschinisten. Bis iwwermuer ginn et staark Perturbatiounen, och d'Zuchverbindungen tëscht Lëtzebuerg an Däitschland si betraff.

Och dëst Joer ass keng Fouer. D'Stad Lëtzebuerg setzt op méi e klengt Konzept. "Fun um Glacis" leeft bis den 12. September. D'Forainen trauere wuel ëm d'Fouer, sinn awer frou iwwerhaapt kënnen ze schaffen.

De staatleche Wiederdéngscht Meteolux huet fir den Owend déi schwächst vun den dräi Wiederwarnungen erausgi wéinst méiglechen Donnerwiedere mat staarkem Wand a plazeweis staarkem Reen.

"Médecins Sans Frontières" wëllen, wa méiglech, am Afghanistan aktiv bleiwen. D'ONG ass am Moment nach a fënnef afghanesche Stied aktiv, d'Majoritéit vum Personal sur place sinn Afghanen.

Wéinst engem potentiellen Interessekonflikt kann den Direkter vum Lëtzebuerger Kontrollorgan ALIA verschidden Dossieren net selwer traitéieren, esou de President vun der ALIA Thierry Hoscheit.

Et gëtt weider viru Liewensmëttel gewarnt, déi Ethylenoxid enthalen. D'Lëscht vun de Produiten ass laang, dofir wier et net méiglech iwwer all Fall eenzel ze kommunizéieren, seet de Patrick Hau.