De François Bausch huet een Avant-projet de loi virgeluecht fir d'Indemnisatioun an d'Kompensatioun vun de Stonne vun Zaldote bei Formatioune fir Auslandsmissiounen. D'Arméi-Gewerkschaft SPAL kritiséiert dës Pläng.

D'Asbl Omega 90 huet dräi Recommandatioune respektiv Fuerderungen a Saache Palliativfleeg un all d'politesch Parteie geschéckt, an der Hoffnung, dës géifen an deen een oder anere Walprogramm opgeholl ginn.

De President vum Mieterschutz Jean-Michel Campanella fuerdert, datt d'Gemenge méi Méiglechkeete kréie fir ze schlichten, wann et zu Sträit tëscht engem Locataire a sengem Vermieter kënnt.

D'ASBL Gebuertshaus hat eng éischt Entrevue mat der Gesondheetsministesch iwwer Gebuertshaiser. Et wier een Austausch op Aenhéicht gewiescht an de Sujet wier vun der Santé eescht geholl ginn.

D'Naturparken Uewersauer, Our a Mëllerdall setze sech dofir an, datt am ländleche Raum méi mat Elektroautoe gefuer gëtt. Dofir hu si ee spezielle Guide mam Numm "GoElectric" ausgeschafft.

D'CNS huet ugekënnegt, datt Téléconsultatiounen net méi rembourséiert ginn. De Problem gouf séier geléist: d'Ordonnance war net erneiert ginn. Téléconsultatioune sollen an Zukunft méi dacks an den Asaz kommen.

Den Tankrabatt gëtt ëm ee Mount bis Enn August verlängert. Dee Kompromëss gouf et am Regierungsrot: dofir soll mam Staatsbudget fir d'nächst Joer ë.a. d'TVA op Solaranlagen a Vëloen op 3 Prozent erofgoen.

Fir de Moment kritt de franséische Grupp Orpéa keen Agrement fir de CIPA zu Mamer ze bedreiwen. De Grupp war an engem Skandal verwéckelt, wou Mësshandlungen an hiren Altersheemer opgedeckt goufen.

Et ass evident, datt Zënse bei Prête mat variabelem Taux erop wäerte goen, esou d'Spuerkeess. Wéini dat de Fall ass, wier nach net kloer. D'EZB huet de Leetzëns gëschter ëm 0,5 Prozentpunkten eropgesat.

Jonk Aktivist:inne besetzen zanter enger Woch e Stéck Bësch tëscht Käerjeng a Suessem. Si wëlle verhënneren, datt de sougenannte "Bobësch" fir de Käerjenger Contournement Plaz muss maachen.