"Der Adrenalinschub ist natürlich immens." De Perkussionist an Dirigent Benjamin Schäfer huet d'Halleffinall vum renomméierte Jorma-Panula-Concours bestridden a gëtt en Abléck a seng Erliefnesser.

Déi kanadesch Sängerin Helena Deland bréngt e Popalbum eraus, dee virun allem duerch seng sensibel Produktioun punkte kann. Streng geholl hu mir et awer net wierklech mat engem richtegen Album ze dinn.

Mat der Opnam vum Anton Bruckner senger 8. Symphonie, zesumme mam Royal Danish Orchestra, kënnt den Dirigent Hartmut Haenchen no bal 20 Joer erëm bei de grousse Spéitromantiker.

An enger Welt voller Fake News an Tragedië setze sech Komponisten op hir Aart a Weis mat der Wierklechkeet auserneen. Mee wat ass d'Realitéit? Ronderëm dës Fro dréie sech d'rainy days 2018.

Datt d'Liewe vergänglech ass, weess jiddwereen. An awer schéngt all Mënsch esou an den Dag eranzeliewen, wéi wann den Doud keen Thema wier. Den David Allred huet sech mat der Vergänglechkeet auserneegesat.

Siwe Joer no hirem fréien Doud kommen déi lescht Opname mat der Cellistin Françoise Groben eraus: Eng Intégrale vun de Sträichertrioe vum Johannes Brahms. E vibranten Hommage un eng grouss Musekerin.

D'nächst Joer feiert d'Fondatioun EME (Ecouter pour mieux s'entendre) hiren 10. Anniversaire. Den Optakt vun de Feierlechkeete mécht eng nei Initiativ fir d'Adventszäit: Musek schenken.

Psychiater als Beruff, Musek als Hobby: Dëst war dem Philippe Herreweghe säi Plang. Haut bereest hien d'Welt als Expert an der aler Musek. Dës Saison ass hien Artist in Residence an der Philharmonie.

Mam Gustavo Gimeno als Chefdirigent huet den OPL sech an deene leschte Joren op eng besonnesch intensiv Rees beim Stravinsky seng Musek gemaach. Op dem neien Album kënnt eng Vertrautheet zum Ausdrock.