One World
Best of 2023
D’Batteuse an d’Jazz-Komponistin Anne Paceo hat am Fréijoer déi nei Single “From Shadow to Light” verëffentlecht. Et ass e Lidd, dat si fir all dës Frae geschriwwen huet: eis Mammen, eis Groussmammen, Schwësteren, déi sech fir d’Rechter vun de Fraen agesat hunn.
Viru bal engem Joer, Enn Januar 2023, huet de Meeschter vum Oud, den Dhafer Youssef säin néngten Opus “Street of Minarets” erausbruecht. Gepräägt vun der Sufi Traditioun, mat där hien opgewuess ass, awer och vum Jazz an anere Genren, ass “Street of Minarets” eng musikalesch Rees tëschent de Welten.
“The Sky is the Same Colour Everywhere” ass e weideren onëmgänglechen Disk vun dësem Joer, d’Resultat vun der Kollaboratioun vun zwee Artisten, déi allebéid als Solo-Kënschtler bekannt sinn. De Kayhan Kalhor aus dem Iran op der Kamancheh, e persescht Säiteninstrument zesumme mam Toumani Diabaté aus dem Mali, och hien e Meeschter op sengem Instrument, der Kora.
Dem David Walters säin Album vun dësem Joer heescht “Soul Tropical”. De Multiinstrumentalist, Komponist an DJ, deen zu Marseille baséiert ass, weess och wéi wichteg et ass sech gutt ze ëmginn. Vill Influenze kommen hei zesummen, all eenzele Museker bréngt seng eege mat.”
“Voyageur” heescht de posthumen Album vum Ali Farka Touré, deen am Mäerz 2023 erauskoum. Den aussergewéinleche Gittarist aus de Mali, deen 2006 gestuerwen ass, huet net vill Material hannerlooss, dat net verëffentlecht ass. Superviséiert vu sengem Fils Vieux Farka Touré, héiere mir hei néng Lidder, déi iwwer eng Zäitspan vu 15 Joer opgeholl goufen.
Coup de Coeur vun dësem Joer ass och dEUS hiren “How to Replace It”. Et ass deen éischten Album zanter "Following Sea” aus dem Joer 2012. D’Antwerpener ronderëm déi irresistibel Stëmm an Energie vum Tom Barman verstinn hiert Handwierk!
Eng vun den Decouvertë vun dësem Joer ass d’Kollaboratioun tëschent dem hollännesche Keyboarder Erik Ritfeld an der jamaikanescher Sängerin Empress Chai, à suivre!
Mo' Horizons sinn déi zwee DJe Ralf Droesemeyer a Mark Wetzler. Si haten als Duo Enn den 90er ugefaangen op sech opmierksam ze maachen. Mat de Joren hu si sech zu engem Kollektiv entwéckelt, deen Jazz-Influenzen, Funk a World Musek zu engem koherenten an héich angeneeme Sound verbënnt.
Eng weider Decouverte vun dësem Joer ass och déi nach ganz onbekannte jonk Artistin aus dem Portugal, Ana Lua Caiano, déi dëst Joer op den Transmusicales vu Rennes programméiert war … à suivre!
Playlist:
1. Anne Pacéo - From Shadow to Light - From Shadow to Light - Single
2. Street of Minarets (feat. Ambrose Akinmusire, Nguyên Lê, Dave Holland, Adriano Tenorio DD & Dhafer Youssef - Vinnie Colaiuta) - Street of Minarets
3. Kayhan Kalhor & Toumani Diabate - The Sky Is the Same Colour Everywhere - The Sky Is the Same Colour Everywhere
4. David Walters, Ballaké Sissoko & Vincent Segal - An Lot Soley - Soul Tropical
5. Ali Farka Touré - Safari - Voyageur
6. dEUS - Dream Is a Giver - How To Replace It
7. Degiheugi - Un Jour Comme Un Autre (Moderator Remix) - Remixed Treasures
8. Empress Chai & Erik Ritfeld - Fix Me - Piece of Mind
9. Mo' Horizons - Mango Woman (feat. Gyedu-Blay Ambolley) - Mango
10. Ana Lua Caiano - Mão na Mão - Mão na Mão - Single