100 Gedichter, 100 Deeg, 100 Sekonnen

100 Gedichter

Vu méindes bis sonndes, all Dag um 10:50 a 17:23

De radio 100,7 presentéiert zesumme mat der Associatioun Les Amis d'Edmond Dune an dem
Centre national de littérature: 

100 Gedichter, 100 Deeg, 100 Sekonnen  

Vum 16. September bis de 24. Dezember héiert Dir um radio 100,7 all Dag ee Gedicht vun engem Lëtzebuerger Auteur.
Déi 100 Gedichter an de véier Sprooche Lëtzebuergesch, Däitsch, Franséisch an Englesch si vun 20 renomméierten Dichter, déi sech an der Lëtzebuerger Lyrik en Numm gemaach hunn. D'Auteure liesen hir Gedichter selwer vir. De verstuerwene Kënschtler léinen d'Mataarbechter vum radio 100,7 hir Stëmm.

Dir héiert Wierker vun: Lambert Schlechter, Jean Portante, Nathalie Ronvaux, Hélène Tyrtoff, Florent Toniello, Paul Mathieu, Tom Nisse, Nico Helminger, Guy Helminger, Pierre Joris, André Simoncini, Ulrike Bail, Roland Harsch, Carla Lucarelli, Anise Koltz, Edmond Dune, José Ensch, Liliane Welch, Jean-Paul Jacobs a Jean Krier.

De Projet gouf vu Les Amis d'Edmond Dune zu Éiere vum zéngjärege Bestoe vun hirer Associatioun initiéiert. 

Lauschtert all d'Gedichter nach eemol hei.

 

 

 

 

Programm

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen