36. Concours des Jeunes Solistes & radio 100,7-Pianospräis

UGDA - 35e Concours pour Jeunes Solistes, Conservatoire de la Ville de Luxembourg

Wéi vilfälteg déi jonk klassesch Musekszeen hei am Land ass, weist all Joer op en neits de Concours des Jeunes Solistes vun der UGDA. Dëst Joer sinn d'Epreuven den 10. November vun 9 bis 17 Auer am Stater Conservatoire.

Den Ofschlossconcert vum Orchestre d'Harmonie des Jeunes de l'Union Européenne ënner der Direktioun vum Jan Cober ass um 17:30. Dëse Concert gëtt vum radio 100,7 opgeholl an zu engem spéideren Zäitpunkt diffuséiert.

D'Resultater vun de Gewënner gi géint 19 Auer verkënnegt.
De radio 100,7 iwwerreecht dëst Joer fir d'éischte Kéier de radio 100,7-Pianospräis. De Gewënner oder d'Gewënnerin kritt déi eemoleg Geleeënheet fir am Studio vum radio 100,7 um Fligel ze spillen an e professionellen Demoband opzehuelen.

An den Deeg virum Concours huet d'Klassikredaktioun vum 100,7 an der Emissioun Resonanzen Kandidate virgestallt: De Val Kravos ass 14 Joer al a spillt Piano; d'Tracey Lamberty huet 19 Joer a spillt Trompett an den Daniel Migliosi ass 15 Joer jonk a léiert och Trompett. Déi jonk Museker ginn en Abléck an hir musikalesch Entwécklung an d'Virbereedungen op de Concours.

Den Direkter vun der UGDA, Paul Scholer, huet de 36. Concours des Jeunes Solistes am Moies-Magazin presentéiert.

D'Entrée fir bei den Epreuven, dem Ofschlossconcert an der Präisiwwerreechung dobäi ze sinn ass gratis. W.e.g. reservéiert Är Plaz um: (+352) 22 05 58-39

Programm

  • Resonanzen

  • On air

    Spektrum

  • Ënnerwee

  • Noriichten

  • One World

Net verpassen

Dossieren

  • Berlinale 2020

    D'Berlinale feiert dëst Joer hire 70. Gebuertsdag ënner den neien Direktere Carlo Chatrian a Mariette Rissenbeek. D'Sarah Peppin an den Tom Dockal si fir eis op der Plaz.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen