4. Editioun vum 100,7 radiopräis fir dat bescht Hörspill

100,7 - Radiopräis

Thema: Urban Legends

D'"urban Mythen" sinn en Deel vun den zäitgenësseschen Traditiounen, Soen a Legenden - an heiansdo och vun der Geschicht. Dacks hunn dës "Mythen", egal ob richteg oder falsch, e Lien mat enger bestëmmter Plaz an eise Stied an Dierfer. De Genius Loci also, verbonne mat erfonnten oder reelle Geschichten, Geschichten déi Angscht maachen, Geschichten déi virtuell oder parallel Realitéiten ervirruffen.

Fir déi 4. Editioun vum 100,7 radiopräis brénge mir de Medium Radio - wou et jo am Wesentlechen drëm geet, fir Geschichten z'erzielen - zesumme mat dem urbane Mythos, enger moderner Erzielung, reell oder net, gepräägt vun Awerglawen, oder einfach nëmmen enger falscher Informatioun. Wichteg fir eis ass et, eng dezentraliséiert Kreativitéit ze stimuléieren: den urbane Mythos, dee mir sichen, soll sech net op grouss Metropolen oder Stadzentre limitéieren, mee iwwer den Tellerrand erauskucken.

Maacht mat beim 100,7 radiopräis an erzielt eis ären urbane Mythos!      

Wat genee ass den 100,7 radiopräis?

De radiopräis ass en Hörspill-Concours, deen 2018 fir d'véierte Kéier vum radio 100,7 ausgeschriwwe gëtt. Eng international Jury priméiert dat bescht Hörspill-Manuskript. Hörspiller sinn akustesch dramatiséiert Inszenéierunge vu Geschichte mat verdeelte Spriecherrollen, Geräischer a Musek. Erlaabt sinn all literaresch Approchen - z. B. Science-Fiction, Satir, Krimi oder recherchéiert Dokumentatioun - ënner der Viraussetzung, datt si als Hörspill fir de Radio ze vertoune sinn. D'Manuskripter kënnen op Lëtzebuergesch, Däitsch, Franséisch oder Englesch redigéiert ginn a musse bis spéitstens den 31. Oktober 2018 agereecht ginn.

Wien däerf matmaachen?

De Concours ass op fir all Auteure vu Lëtzebuerg an aus der Groussregioun. Och Kollektiv-Aarbechte sinn zougelooss. De radiopräis ass mat 3.500 Euro dotéiert. Dat priméiert Wierk gëtt vum radio 100,7 produzéiert an op der Antenn diffuséiert. De Gewënner gëtt Ufank 2019 verkënnegt.


Règlement (FR)

Reglement (DE)

Pressemitteilung

Communiqué de presse

Weider Informatiounen: vberdi@100komma7.lu

 

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen