Iwwer 500 Zaldote wiere bei der Blëtz-Offensive blesséiert ginn. Op der anerer Säit hunn déi armenesch Separatisten 213 Doudeger gemellt.
An Tëschenzäit wier och scho ronn ee Véierel vun der ethnesch armenescher Populatioun aus der Enklav geflücht. Eng 42.000 Leit wiere bis elo an Armenien ukomm, esou déi armenesch Regierung de Moien. D‘EU huet Hëllef annoncéiert, an d‘UNO huet den Aserbaidschan opgeruff, d‘Rechter vun den Armenier ze respektéieren. Bei der Flucht war virgëscht e Sprit-Depot, wou Flüchtlinge mat hiren Auto tanke wollten, explodéiert. De Bilan do ass op 68 Doudeger an 290 Blesséierter geklommen, esou armenesch Sourcen.