Mam 100,7-Mikro ënnerwee

Max Feyder

Als engagéierte Rapper ass de Max selwer un de Mënschen interesséiert, ob jonk oder al, un hirem Zesummeliewen an hiren Interaktiounen. A senge Mikro-Trott-Reportagë wäert hien dann och e ganz breet gefächerte Spigel vun eiser Gesellschaft erëmginn.

Hie gräift dobäi spannend Theemen op wéi Frëndschaft, de Lëtzebuerger u sech, oder och nach gelieften an/oder verpasste Liewensdreem, fir de Stëmmen aus der Strooss an de kuerze Mikro-Trott-Reportagen och dat néidegt Feier ze verpassen.

Esou war de Max Feyder an der Stad ënnerwee an huet d'Leit gefrot, wéi eng Plaze si do am flottste fannen. Natierlech koumen dobäi net nëmme positiv Äntwerten op d'Tapéit ...

An der zweeter Episod huet de Max sech fir d'Theema Frëndschaft interesséiert an de Leit an der Strooss Froe gestalt, wéi: Wat ass e Frënd? Oder, wat mécht eng Frëndschaft iwwerhaapt aus?

Haalt op alle Fall déi nächste Wochen Är Aen op, wann Dir ënnerwee sidd. Et kéint jo mol sinn, datt Dir dem Max an der Strooss begéint, an Iech e Mikro mam radio 100,7-Logo drop ënner d'Nues gehale gëtt.

Mikro-Trott mam Max Feyder, mëttwochs um 10:40 a 16:50

Net verpassen

Programm

Dossieren

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen