Kennt Dir ewell eis nei Serien am Januar?

Dräi nei Serien am Januar

Den Iwwerbléck iwwer dräi nei Serien an eisem Programm

Firwat heescht Ettelbréck Ettelbréck? Wat bedeit et, hautdesdaags Bauer hei zu Lëtzebuerg ze sinn? A wéi gesäit et mam Gefill vun der Léift an enger kapitalistescher Gesellschaft aus? Dir gesitt, och dëst Joer fiddere mir Iech mat villen ënnerschiddlechen Theemen.

Zum Beispill an dësen dräi neie Serië gi mir ganz variéierte Froen op de Grond:

Lëtzebuerger Uertschaften

Datt Lëtzebuerg vu "Lucilinburhuc" ofstaamt an esou vill wéi "kleng Buerg mat Tuerm" bedeit, dierft jiddwerengem bekannt sinn. Mee wéi steet et mat Ettelbréck, Pëtschent, oder Feelen? Maja! De Claude Faber geet op d'Sich no den Urspréng vun de Lëtzebuerger Uertschaften.
All zweete Samschdeg um 9:40
Hei ewell d'Emissioune "Chrëschtnech" a "Feelen".

Eis Landwirtschaft

D'Landwirtschaft gëtt beschëllegt Schold um Klimawandel ze sinn, d'Déiere schlecht ze behandelen an eis Ëmwelt ze verschmotzen. An dëser Serie kuckt d'Lara Bousch net nëmmen dem Bauer zu Lëtzebuerg iwwer d'Schëller, mee zeechent d'Bild vun dëser Industrie mol méi genee.
All Donneschdeg um 13:15
Lauschtert hei déi éischt Emissioun. 

D'Gefiller vum Kapitalismus

Aarbecht + Léift = Gléck? Fir vill Leit haut ass d'Aarbecht net méi de Grondstee vum Gléck, mee d'Haaptursaach vum Ongléck. Zousätzlech ass och d'Léift duerch d'Kommerzialiséierung vun de Gefiller amgaang nei historesch Formen unzehuelen. Wouhi geet dat Ganzt? 
Äntwerte vum Thierry Simonelli, samschdes um 9:20.

Programm

  • Ligne 2

  • On air

    Notturno

  • Vu 6 bis 10

  • Vun 10 bis 2

  • Vun 10 bis 2

Net verpassen

  • Den OPL an de Leonidas Kavakos live

    Leonidas Kavakos.jpg

    Erlieft den Owend live um 8 Auer de Philharmoneschen Orchester Lëtzebuerg mat Wierker vu Joseph Haydn an Antonin Dvorak. Chef invité ass de Leonidas Kavakos, Solist um Cello de Gautier Capuçon. 

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen