SchrëftstellerIn vum Mount

All Mount steet eng Schrëftstellerin oder ee Schrëftsteller am Mëttelpunkt. Mat engem Portrait a ville Facette vum Wierk.

Agatha Christie - Eng Aféierung

D'Dame Agatha Mary Clarissa Christie, DBE (1890-1976) ass weltwäit Synomym vum klassesche Krimi. Statistesch gesinn, hu mer et mat engem beandrockende Phänomen ze dinn. D'Guiness-Buch vun de Rekorder lëscht d’Schrëftstellerin aus der englescher Grafschaft Devon als de gréisste Bestseller-Roman-Schrëftsteller vun allen Zäiten: 2 Billioune Kopien huet si bis elo verkaf, a gëtt domat just vun der Bibel a vum Shakespeare senge Wierker iwwertrompt. An enger klenger Aleedung fillt de Marc Clement fir d'éischt dem Krimi als Genre op den Zant, a beschäftegt sech mat sengem Entstoen. Duerno geet hie kuerz op d'Biographie vun der britescher Madame hannert der Miss Marple an.
 

Rezent Emissiounen

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen