Café Scientifique

Kerstin Thalau

Doktoranden a Fuerscher stellen hir Aarbechte vir.

Epilepsie a Sport

Weltwäit sinn ca 50 Millioune Mënschen mat Epilepsie geplot, also ähnlech vill ewéi mat Diabetes. A Prozenter: tëscht 0,6 an 0,8% an alle Länner, queesch duerch d’Gesellschaft. Fir Lëtzebuerg bedeit dat 3´000 bis 4´400 Epilepsiekranker. Déi splécke sech an 2 Gruppen: et ginn déi, déi un aktiver Epilepsie leiden, also regelméisseg Ufäll hunn; an et ginn déi, déi eemol eng Attaque haten, an duerno ni méi. 

Circa 60 % vun de Patienten liewen duerch Medikamenter ufallfräi. Mee d'Medezin behandelt just Symptomer net d'Ursaachen, déi vielfälteg sinn. D'Ufäll trieden op, wann d'Gehier gestéiert, gestresst ass. Wéi wierkt sech also Sportmaachen op Epilepsiekranker aus?

Positiv, sou Neurowëssenschaftler wéi den Dr Stefan Beyenburg vum Centre Hospitalier. Wann ee Risikosportaarten wéi Motorsport, Paragliding, Tauchen, Waassersport am allgemengen évitéiert. Sport hemmt d’Excitatioun vun Nervenzellen. An doduerch kënnt et manner heefeg zu Attaquen. Wat do genee am Gehier geschitt, kann een haut allerdéngs nach net am Detail erkläeren.

 
Interessant ass och, dat Sport Ufäll vun Epileptiker reduzéiere kann, well en sech positiv op d’Wuelbefannen, op d’Selbstbewosstsinn, also op d’Psyche auswierkt.
 
A wien elo awer nach zéckt: den Dr Stefan Beyenburg betreit eng Rei vun Epilepsiepatienten, déi bei den Paraolympics immens erfollegräich sinn!

Rezent Emissiounen

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen