Café Scientifique

Kerstin Thalau

Doktoranden a Fuerscher stellen hir Aarbechte vir.

Physikerin Susanne Siebentritt an d'CIS-Solarzellen

2007 ass d’Physikprofessorin an -Doktorin Susanne Siebentritt vu Berlin op Lëtzebuerg geplënnert. Zanterhier huet si am LIST, dem Luxembourg Institue of Science and Technology e Labo mat 16 Mataarbechter opgebaut. Hiert Spezialgebitt: Dënnfilm-Solarzellen. Fir hir Fuerschung ass d'Susanne Siebentritt 2014 mat engem FNR-Award an Enn 2015 mam Grand-Prix en Sciences physiques vum Institut Grand Ducal ausgezeechent ginn. Fir hir Fuerschung, hir Mass u Publikatiounen, hir Versich, Solarzelle-Physik adequat ze vermëttelen.
 
17 Joer beschäftegt sech d'Susanne Siebentritt scho mat Solarzellen, an der Lescht mat enger ganz bestëmmter Zort: CIS-Solarzellen. Déi si villfach méi kleng a reng, wéi déi gewinnte Silicium-Modeller. Dat bedeit, datt fir hir Produktioun manner Material gebraucht gëtt, wat d’Käschten dréckt, en plus sinn - opgrond vun den Dimensiounen- d’Weeër fir de Stroumtransport méi kleng, si brauchen also manner Energie. "Solarzellen, Kristallstrukturen, Defekte und Ihre Stromrechnung" war den Titel vun enger vun den éischte Konferenzen, déi d’Susanne Siebentritt um Campus Limpertsberg gehalen huet. Mat den Defekter bannent de Kristallstrukture ploen si an hiert Team sech nach haut.
Dem Kerstin Thalau huet d'Susanne Siebentritt erkläert, firwat drubleiwe sech lount a wéi d'Aarbecht am LIST konkret ausgesäit.

Rezent Emissiounen

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen