Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

The Joshua Tree - U2

D'Band U2 gouf 1976 gegrënnt a gëlt als ee vun de beschte Rockquartetter aus de leschten 30 Joer. 1987 gëtt déi ganz Welt op d'Band U2 opmierksam duerch den excellenten Album "The Joshua Tree". Drop ze fanne sinn Titele mat amerikaneschen an iresche Wuerzelen, denke mer eleng un "I Still Haven't Found What I'm Looking For", "With Or Without You" oder "Where The Streets Have No Name". En Album, deen op der Band hiren Engagement géint Ongerechtegkeete wéi d'Apartheidspolitik, fir humanitär Problemer an Ëmweltschutz hiweist.
Den Album "The Joshua Tree" an iwwerhaapt U2, hunn eng ganz Generatioun vu jonke Mënschen zu méi politeschem Interessi motivéiert.
De Manuel Ribeiro stellt den Album vir, dee sech weltwäit iwwer 25 Millioune mol verkaf huet.

Rezent Emissiounen

Programm

  • Noriichten

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen