Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

De Luc Belleville mat sengen Idoler

Lemmy, Motörhead & Aborted

Äddi a Merci Lemmy!

E Samschdeg, den 9. Januar gouf den Ian "Lemmy" Kilmister, fréiere Frontmann vun der Kultband Motörhead, mat enger grousser Gedenkfeier zu Los Angeles begruewen. An eisem Interview vun der Woch schwätze mer mam Luc Belleville, dem wuel gréisste Lëtzebuerger Motörhead Fan, deen de Lemmy och perséinlech kannt huet an extra fir d'Zeremonie op L.A. gereest war, iwwert dësen Event a seng Verbindung mam Lemmy, respektiv mat Motörhead.

Sublind Online, Scarred @ Eurosonic & Exposer

Sublind hunn dës Woch iwwregens eng nei Homepage lancéiert. Oder besser gesot, iwwerhaapt mol eng Homepage lancéiert. Wann der also nach méi iwwert Sublind wëllt wësse, wéi si op hirer Facebook Säit präis ginn, surft einfach mol laanscht op www.sublind.net

Scarred spillen dëse Weekend zu Groningen. D'Death Metal Band, déi vum Radio 100,7 erausgesicht gouf, fir Lëtzebuerg dëse Weekend bei der 30. Editioun vum Eurosonic Festival ze vertrieden. D’Manifestatioun zu Groningen, am Norde vun Holland, wou d’European Broadcasting Union, also de Reseau vun den ëffentlech-rechtleche Senderen an Europa, an deemno och den 100,7 Partner ass, ass ee vun deene wichtegste Rendezvouse fir den europäesche Museks-Maart.. Scarred spillen de 15. Januar an der Nuecht op de 16. kuerz no 1 Auer.

Zu Lëtzebuerg huet sech déi lescht puer Méint iwwert eng nei Band gegrënnt. Dir erënnert iech wahrscheinlech nach u Falling Promises, déi sech virun enger Zäitchen opgeléist hate, well se ee vun hire Memberen duerch den Doud verluer hunn… Ma verschidde Membere vu Falling Promises hunn eben dunn ënnert engem aneren Numm weider gemaach. Exposer nennt de Projet sech, an dës Band, déi bësse kléngt wéi déi typesch Pompel Bands, allerdéngs mat Nu Metal Elementer, huet de leschte Sonndeg en éischt Lidd op Youtube verëffentlecht, an dat gesidd dir hei.

CD vun der Woch: Aborted - Termination Redux (9/10)

Op der neier EP vun de belschen Technical Death Metal Helden Aborted, déi et just op Vinyl an digital gëtt, sinn 3 nei Stécker drop an eng nei Opnam vum Opener vun Engineering The Dead, nämlech The Holocaust Re-Incarnate. Dat ass also net nei, d’Lidd ass prinzipiell dat selwecht, kléngt awer eng gutt Parti méi fett. Net nëmmen d’Produktioun gouf gepimped.. d’Band spillt et och a méi engem déiwen Tuning.

Lass geet d’EP awer mat engem méi oder manner geschwatenen Intro, iert et da mam Titelsong vun der EP, Termination Redux, lassgeet. Do ass den Intro zimlech no u Gojira, iert et dann nees bësse méi brutal technesch viru geet.

Wat ech op dëser EP, grad wéi bei de virëschte Release vun Aborted, alt rëm zimlech cool fannen, ass, dass d’Mëschung tëscht Brutalitéit an Atmosphär extrem gutt geléngt. Woubäi een awer muss bemierken, dass Aborted op dëser EP eng exzellent Mëschung aus hire fréiere Saachen an hire méi rezente Saache fabrizéiert hunn.. Sou hu si d’Grind Elementer an déi schwéierfälleg Heavyness vum leschten Album bäibehalen, a mam extremen techneschen Aspekt vun hirem fréie Material kombinéiert. Sou z. B. och bei Vestal Disfigurment Upon The Sacred Chantry, wat alt nees duerch mäerderesche Wierbelstuerm u Riffer geprägt ass.

Ech weess net, wat d’Band genee geplangt huet an Zukuft.. Mä wann dat hei e Virgeschmaach op en nächsten Album soll sinn, kënne mer eis freeën!

Agenda

Metal In The Kettle @ Duerfkessel, Käerch

Metalbörse @ Kufa, Esch

Aversion's Crown @ Exhaus, Tréier

Playlist

Metallica - Ride The Lightning (Ride The Lightning, Megaforce Records)

Sublind - Humpeknupper (Thrashing Delirium, Independent)

Dream Theater - The Gift Of Music (The Astonishing, Roadrunner Records)

Motörhead - When The Sky Comes Looking For You (Bad Magic, UDR)

Motörhead - Overkill Live (The Wörld Is Ours Vol. I, UDR)

Scarred - Cinder (Gaia / Medea, Independent)

Exposer - Blind (Single, Independent)

Aborted - Termination Redux (Termination Redux, Century Media)

Bloodiest - He Is Disease (Bloodiest, Relapse Records)

Rezent Emissiounen

  • Shadowhispers & Asathor

    Am Interview sinn d'Shadowhispers an Asathor.

  • Kitshickers & The Majestic Unicorns From Hell

    Am Interview sinn d'Kitshickers an d'Majestic Unicorns From Hell, déi Enn dës Mounts eng Split EP erausbréngen.

  • Strigoi

    Am Interview ass de Greg Mackintosh. Riets geet iwwert säin neie Projet Strigoi.

  • Borknagar

    Am Interview ass de Frontmann vun der Progressiver Black Metal Band Borknagar.

  • Thomas Koenig

    Am Interview ass den 100,7-Philosoph Thomas Koenig, dee sech och mat Metal auserneesetzt - awer ebe philosophesch.

  • Metal Meltdown

    Am Interview ass dës Kéier de Frontmann vun Inhuman Rampage, Patrick Wagener

  • Opeth - Martin Axenrot

    Am Interview ass den Drummer vun Opeth, de Martin Axenrot.

  • Metal Meltdown

    Aktuelles aus der Welt vum Metal

  • Metal Meltdown

    Neie Metal an der haartster Sendung vun der Woch

  • Metal Meltdown

    Neits aus der Welt vun de méi haarden Téin

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

Programm

  • Moies-Magazin

  • On air

    Iwwer Mëtteg

  • Resonanzen

  • Spektrum

  • Ënnerwee

Net verpassen

  • The English guy is coming!

    Jim Kent.jpg

    "I'm really happy to be back on air in the Grand Duchy, which is where it all started for me and will endeavor to fill the airwaves with humorous and insightful observations on Luxembourg life combined with the best guests and music that you have come to expect from 100,7."

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen