Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Street Fighting Years - Simple Minds

"Mandela Day" a "Belfast Child" si bestëmmt haut nach déi bekannsten Titelen aus dem Album "Street Fighting Years" vu Simple Minds.
Dësen ass den aachte Studioalbum vun der Band mam charismatesche Sänger Jim Kerr, aus dem Joer 1989. En Album, dee sech vun hiren amerikanesche Soul- a Gospel-Influenzen distanzéiert a sech wesentlech méi akustesch wëll, duerch an duerch vu Celtic/Folk Music Elementer geprägt.
Nieft deene genannten Hits, sinn och aner musikalesch Pärelen an immens politesch engagéiert Lidder op deem Album, Lidder wéi "Soul Crying Out", "This is your Land", "Street Fighting Years" an anerer wéi "Biko". Dëse leschte Song kënnt aus der Fieder vum Peter Gabriel, dee vum Steve Biko zielt, e südafrikaneschen Anti-Apartheid Aktivist.
Den Album "Street Fighting Years" vu Simple Minds bleift ee vun de politesch engagéierste Museksprojeten aus deene leschten 30 Joer, woubäi eng ganz Partie prominent Museker als Gäscht derbäi waren: Manu Katché, Stewart Copland, Lou Reed an anerer. Presentéiert vum Manuel Ribeiro.

Rezent Emissiounen

Programm

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen