Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

De Cover vum Beatles-Album 'Revolver' (1966), gezeechent vum Grafiker a Manfred Mann-Bassist Klaus Voormann

Revolver - The Beatles

Besonnesch déi méi konservativ britesch BBC ass net begeeschtert, d'Kompositioune vu Lennon/Mc Cartney an Harrison ze programméieren. Ze däitlech wieren der Band hir Erfahrungen an Experimenter mat Drogen an de Kompositiounen an Texter erauszehéieren. Och Meditatioun, Indien a Sittarkläng sinn am neie Beatles-Sound vertrueden. Deen huet net méi vill mat deem aus hiren Ufanksjoren ze dinn. "Mir sinn erwuesse Leit ginn", seet de Paul Mc Cartney. Ma och méi Onbeschwéiertes ass op "Revolver" ze fannen - virop dee vum Ringo Starr gesongene Megahit "Yellow Submarine". Presentéiert vum Fred Medernach.

Rezent Emissiounen

  • Paul McCartney - Flowers In The Dirt

    Viru genee 30 Joer ass dem fréiere Beatle Paul Mc Cartney säin néngte Soloalbum erauskomm. E 89er Release vollgepaakt mat Pop.

  • Grateful Dead - Aoxomoxoa

    Psychedeleschen Jam-Rock mat engem transzendentalen Edge

  • Pavement - Terror Twilight

    Terror Twilight, di lescht Plack vu Pavement feiert dese Mount hiren 20. Gebuertsdag. De Marc Clement huet nach eemol op di lescht Plack vun de Kalifronier zeréckgekuckt an erageläuschtert.

  • Crosby, Stills & Nash

    De Songwriter-Trio setzt d'Lat héicht am Genre a sicht no Verstärkung fir dësen Debut och live kënnen ze spillen. Woodstock waart ...

  • Neneh Cherry - Raw Like Sushi

    1989 gouf d'Neneh Cherry mat hirem Hit "Buffalo Stance" weltbekannt. Hiren Debut-Album huet awer vill méi ze bidde wéi eng bekannte Single.

  • The Free Design - Heaven/Earth (1969)

    Himmlesch Vocal Harmonien a grandios Arrangementer vun dëser psychedelescher Sunshine Pop Grupp

  • Weezer - Weezer (1994)

    Mat Lidder wéi "Buddy Holly" oder "Say It Ain't So" verbënnt eng ganz Generatioun Jugenderënnerungen.

  • The Pixies - Doolittle

    Op "Doolittle", hirem zweeten Album, presentéieren sech d'Pixies 1989 däischter an hefteg.

  • Nas - Illmatic

    Dem Rapper vu Queensbridge säi poeteschen Debut vun 1994

  • Leonard Cohen - Songs From A Room

    Mat "Songs From A Room" huet sech den Kanadier Leonard Cohen viru genee 50 Joer an der Songwriter-Elite etabléiert.

  • Townes Van Zandt - Our Mother The Mountain

    Balladen iwwer Léift, Jalousie an Trennung vum poetesche Country Songwriter

  • Scott Walker - Scott 3

    Säi grouss-orchestréierte Pop Album vun 69 mat onheemleche Momenter

  • The Cars - Heartbeat City

    De Quintett vu Boston verbënnt d'Iwwerreschter vum Rock aus de 70er mat der neier Synthpop-Ästhetik a mécht se Mainstream-kompatibel.

  • Dusty In Memphis

    Viru genee 50 Joer koum mat "Dusty In Memphis" den erfollegräichsten Album vun der Dusty Springfield eraus. Toptitel: "Son of a Preacherman"

  • Johnny Cash at St. Quentin

    De 25.Februar 1969 geet den Johnny Cash a Kalifornien an de Bing ... fir do viru begeeschterte Prisonéier e Live-Album opzehuelen.

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen