Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Nordic Rock & Sleepers' Guilt

Abstract Rapture

The Cancer In Your Soul, sou heescht dat neit Lidd vun Abstract Rapture, wat d’Band dës Woch zesumme mat engem Video erausbruecht huet. De Video dozou fannt der hei. De Song wäert deemno um nächsten Abstract Album ze fanne sinn, deen iergendwann an den nächste Méint soll erauskommen. Wéini, dat weess nach keen. Nach huet d’Band nämlech net opgeholl - ofgesi vun dësem Stéck eben. De Songwriting ass awer souwäit fäerdeg, an d’Band probéiert grad e passenden Datum am Studio ze sichen.

Nordic Rock

Abstract Rapture hunn och well um Nordic Rock gespillt. Dee Metal- a Rockfestival am Norde vum Land, iwwert dee mer dës Woch am Interview schwätzen. D’lescht Joer war also déi 5. Editioun, en éischte klenge Gebuertsdag. An an deene 5 Joer huet sech de Festival wonnerbar weider entwéckelt, sou de Patrick Hellenbrand, ee vun den Organisateuren am Interview. Ënnert anerem wier jo well d'Location gewiesselt gi, fir de Festival méi attraktiv ze maachen. An der Tëscht zitt de Festival eng 300 Leit den Dag un.

Op dëser Plaz ass et dann en offiziellen Opruff un d'Bands, déi wëllen um Festival den 9. an 10. September spillen. Si hunn nach Zäit bis Enn Mäerz fir sech bei den Organisateuren ze mellen.

The Majestic Unicorns From Hell

Och Neits gëtt et vun The Majestic Unicorns From Hell. Den 2. Album vun der Band Album dozou ass virun 2 Wochen eraus komm, nämlech A Matter Of Less In More. Fir d’Stéck Vivaldi Opus III hu si dës Woch e Video erausbruecht, deen nawell zimlech .. hm, wéi soll ech soen .. komesch? ass. Also wtf ass wuel dat éischt wat een denkt, wann een de Video gesäit.. ech hunn den déiwe Sënn dovunner nach net wierklech verstan.. kuckt iech en einfach mol un, an zwar hei.

Album vun der Woch: Sleepers' Guilt - Kilesa (8/10)

Zwou EPen hu Sleepers’ Guild well dobaussen, déi lescht dovunner ass am September 2013 erauskomm, elo brénge si dann hiren éischten Album eraus. Kilesa heescht dat gutt Stéck, an dat ass haut eisen Album vun der Woch.

Kilesa ass ënnert deem selwechte Line Up entstan, wéi déi lescht EP Road Of Emptiness, ma um Album Kilesa réischt huet dëse sech richteg fonnt. Op der leschter EP goufen d’Lidder nämlech nach am Sënn vun engem Frontmann geschriwwen, dee just clean gesong huet. Déi Mëschung, déi dunn op der EP erauskomm ass, wéi d’Band bis e Growler un der Spëtzt hat, huet zwar geklappt, war awer bei wäitem nach net sou ausgeräift wéi um Album Kilesa.

Lo sinn d’Riffer, virun allem natierlech während de Verser vill méi op ee Growler ofgestëmmt an d’Lidder sou méi ronn. Sou si Sleepers Guilt hirem eigentleche Stil, nämlech dem bësse progressiven a ville melodesche Metal zwar wuel trei bliwwen, ma si sinn e gudde Krack méi rockeg an heavy ginn. Wat och dorunner läit, dass quasi guer net méi clean gesonge gëtt.

Fir iech ze weise, wat ech mengen, zerleeën ech einfach dat éischt Lidd, wat d’Band erausbruecht huet, nämlech Two Words. Typesch Sleepers’ Guilt à la Amon Amarth Manéier sinn nach ëmmer de Refrain, deen ëmmer nach schéin epesch ass a vill Héngerhaut-Potential huet an elo eben och gutt hannert d’Growls passen. Typesch fir Sleepers Guilt, well de Gittarist Chris déi orientalesch Gamme esou gär huet, ass och deen ee richteg memorabele Lick virum éischte Vers. An am Verse selwer dann mierke mer fir eng éischte Kéier dat Headbang-Potential, wat d’Band bäikritt huet, hannendrun nach emol de gäile Refrain, dee wéi d’Fauscht op d’Aen passt. Ma Sleepers Guilt wieren net Sleepers Guilt, wann et keng Soloe géif. Déi si fir hiren Deel e Krack méi komplizéiert a komplex ginn.

Natierlech hu si an den anere Stécker aner Riffer an aner Soloe, mä sou oder sou ähnlech kéint een am Fong e Resume fir de ganzen Album maachen. Dobäi kommen da just nach, fir och bësse progressiv ze bleiwen, ëmmer nees interessant Introen, déi bësse Spannung opbauen iert et lass geet, oder e bësse méi laangen Intro a Form vun enger hallwer Ballad, iert et dann nees richteg lass geet, oder och ëmmer nees interessant Interludes.

Nach e Stéck méi wäit geet d’Band dann op deri 2. CD vum Duebel Album. Nach vill méi progressiv, ofwiesslungsräich a mat enger Gaaschtsängerin, nämlech dem Noemie Leer vun Elysian Gates, fënnt een op der 2. CD - déi geschichtlech a vun den Nimm vun de Lidder hir, buddhistesch ugehaucht sinn, 3 Stécker vun ëm déi 10 Minutten, déi awer als ee ganzt unzegesi sinn.

Ech kéint iech natierlech elo nach lauter aner Beispiller hei virspillen, mä ech géif soen, et ass am einfachsten, dir maacht iech selwer e Bild vum neien Album Kilesa. Wann dir e Fan vu Sleepers Guilt waart, da wäert den Album iech sécher gefalen. A wann der si net gär hat, well der gemengt hutt, si wieren net heavy genuch, da gitt iech elo vum Géigendeel iwwerzeegen. Kilesa gëtt um 27. Februar an der Kufa presentéiert.

Agenda

Sleepers' Guilt Album Release @ Kufa, Esch

Soulfly @ Atelier, Stad

Mass Hysteria @ Kufa, Esch

Loscht puer Soulfly Tix ze gewannen? Wat der dofir musst maache, gitt der op menger Facebook Säit gewuer. Wann der se net souwisou scho sollt geliked hunn, maacht dat a kuckt iech ëm no dësem Gewënnspill.

Playlist

The Gathering - Strange Machines (Mandylion, Century Media Records)

Abstract Rapture - The Cancer In Your Soul (/ - Black N' Purple Records)

Desdemonia - Struggle (Same, Independant)

Entombed A.D. - The Winner Has lost (Dead Dawn, Century Media Records)

The Majestic Unicorns From Hell - Vivaldi Opus III (A Matter Of Less In More, Independant)

Bombus - Repeat Until Death (Repeat Until Death, Century Media Records)

Sleepers’ Guilt - The Mission (Kilesa, Independant)

Voivod - Post Society (Post Society, Century Media)

Soulfly - Archangel (Archangel, Nuclear Blast)

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen