Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

The Beatles am Look vun hirem Sergeant Pepper (Summer 1967)

Sgt. Pepper's Lonely Hearts Club Band - The Beatles

Véier Grammy's, e Riesenopwand an der Produktioun, d'Faarwe vum summer of love, e Cover, deen, wéi den Album, Kult gëtt: d'Beatles drécken dem Summer 1967 hire Stempel op! 
"A splendid time is guaranteed for all" séngt de Paul McCartney am Lidd iwwert de Mr. Kite. "Sgt. Pepper" gëtt wéi keen anert Beatles-Wierk den deemolegen Zäitgeescht erëm: d'britesch Insel an d'amerikanesch west coast sinn an Opbrochstëmmung, déi jonk Generatioun rifft no love and peace, d'Drogenapostel, wéi den Timothy Leary priedegen de Konsum vun LSD als Kreativléisung. An d'Beatles sinn e populäre Megaphon fir all dës Astellungen. Natierlech maache si sech domadder net nëmme Frënn a Lidder wéi "Lucy In The Sky With Diamonds" oder "A Day In The Life"  sinn ë.a. bei der BBC staark ëmstridden.

Den US-Magazin Rolling Stone huet "Sergeant Pepper's Lonely Hearts Club Band" a senger 500 Greatest Albums Of All Time op d'Nummer Eent gesat. Och de Cover fir opzeklappen ass mat engem Grammy ausgezeechent ginn.

Presentéiert vum Fred Medernach.

Rezent Emissiounen

  • Townes Van Zandt - Our Mother The Mountain

    Balladen iwwer Léift, Jalousie an Trennung vum poetesche Country Songwriter

  • Scott Walker - Scott 3

    Säi grouss-orchestréierte Pop Album vun 69 mat onheemleche Momenter

  • The Cars - Heartbeat City

    De Quintett vu Boston verbënnt d'Iwwerreschter vum Rock aus de 70er mat der neier Synthpop-Ästhetik a mécht se Mainstream-kompatibel.

  • Dusty In Memphis

    Viru genee 50 Joer koum mat "Dusty In Memphis" den erfollegräichsten Album vun der Dusty Springfield eraus. Toptitel: "Son of a Preacherman"

  • Johnny Cash at St. Quentin

    De 25.Februar 1969 geet den Johnny Cash a Kalifornien an de Bing ... fir do viru begeeschterte Prisonéier e Live-Album opzehuelen.

  • Steely Dan - Pretzel Logic

    Den drëtte Long-Player vun 1974 vun den zwee Jazz-Rock Acolyten

  • Sidsel Endresen, Bugge Wesseltoft ‎- Out Here. In There.

    Den Duo versteet et den Nolauschterer ze verzauberen awer och erauszefuerderen.

  • Blaze Foley - Live at the Austin Outhouse

    Eng obskur Country Legend, live a rau e puer Méint viru sengem Doud 89

  • Led Zeppelin - Led Zeppelin

    Viru 50 Joer gouf de Phenomen Led Zeppelin gebuer, a verschiddene Kritiker no den Heavy Rock gläich mat.

  • Ian Dury - New Boots and Panties!!

    De frechen Englänner a säi 77er Funk, Punk, Disco, Music Hall a Rock'n'Roll Debut

  • Blood Sweat & Tears - BS&T

    Jazz trëfft op Rock, e puer Téin Klassik, e bëssi Blues: Blood Sweat And Tears huelen Enn 1968 en neien Ulaf ... an iwwerzeegen!

  • Michael Jackson - Off the Wall

    Op séngem 5. Studioalbum "Off the Wall" invitéiert de jonke Michael Jackson 1979, d'Liewen net esou schwéier ze huelen.

  • Mick Jagger - Wandering Spirit

    Am Februar 1993 kënnt den drëtte Solo-Album vum Rolling Stones-Frontmann Mick Jagger eraus - kee vu senger Band ass am Studio derbäi ...

  • The Walkabouts - Nighttown

    De Sound fir uechter d'Nuecht ze cruisen: den 1997er Album vun der amerikanescher Band ass eng melancholesch a wantergro musikalesch Reess.

  • Jean Michel Jarre - Equinoxe (1978)

    Deen zweeten Album vum franséischen Elektroniker huet ee Joer no senger Verëffentlechung net manner wéi eng Millioun Leit op d'Place de la Concorde gelackelt.

Programm

Net verpassen

  • Haut den Owend live aus der Philharmonie

    Schubert a Rossini

    De Franz Schubert an den Gioacchino Rossini: Béid Komponisten hunn der Musekswelt Wierker hannerlooss, déi si net méi fäerdeg kruten. Dat ass de roude Fuedem vum Concert mam Philharmoneschen Orchester Lëtzebuerg en Donneschdeg, den 12. Dezember 2019, deen de radio 100,7 vun 20:00 Auer u live aus der Philharmonie iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen