Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Metal Meltdown goes Entombed (A.D.)

Entombed, Entombed an nach emol Entombed

Am Metal Meltdown dréint sech dës Kéier alles ëm Entombed A.D., déi Ufanks den 90er Joren - deemools nach ënnert dem Numm Entombed - mat hirem buzzege Sound souwuel e Startschoss fir de schwedeschen Death Metal wéi och vum Genre vum Death N' Roll gemaach hunn. Wéi och schonn am Machine Head Special maache mer den Tour duerch déi ganz Discographie, et gëtt e Review vum neien Album Dead Dawn, deen Enn Februar erauskomm ass an et gëtt en Interview mam Frontmann vun der Band L.G. Petrov.

Album vun der Woch: Entombed A.D. - Dead Dawn (8,5/10)

Death N' Roll. Dat war zënter Wolverine Blues der Band hire Stil (mat e puer Ausnamen dotëscht) an dat ass och d’Stéchwuert fir den neisten Entombed A.D. Album Dead Dawn, deen de 26. Februar  erauskomm ass, an dee genau sou ass, wéi en Entombed Album soll sinn. Wat am Endeffekt de groovegen Death N' Roll Mix ausmécht ass alt nees déi gescheit Zesummewürfelung vun Death Metal, Punk, Crust, Hardcore a Rock N' Roll.

Mam Opener Midas in Reverse gëtt d’Band direkt d’Richtung fir e wëllen a béisen Album un: D’Stéck ass séier awer rockeg, mat puer luese Momenter an enger schwéierfälleger Bréck, déi an e Solo iwwergeet, bei deem et engem bal dronkeg gëtt. Den LG Petrov katzt a kläfft wéi gewinnt rotzeg ronderëm an an deem ganze Mix fënnt ee souguer och nach déi eng oder aner Doom a souguer Power Metal Progressiounen.

En anert Beispill dofir, wéi gär Entombed AD experimentéieren, fënnt een am Stéck Down To Mars To Ride, dat mat engem wuschege Gittar Intro ufänkt an an eng stampfend Mosh Sektioun iwwergeet. Mat hirem brummende Sound liwweren den Nico Elgstrand an de Victor Brand wéi gewinnt richteg dreckeg Riffer an den LG Petrov gröhlt hei scho bal Singalong Deeler. Kuerz wiesselt d’Lidd souguer seng Richtung, dat awer ouni u Momentum ze verléieren.

Méi schwéierfälleg scho bal sludgeg Riffer mat dröhnende Gittare gëtt et am Stéck As The World Fell. De groove geet dobäi awer net verluer. Dat selwecht gëlt fir Hubris Fall, wougéint Total Death a Silent Assassin éischter brutal Hardcore Hommage sinn.

Dat déidlechst a brutaalst geshredds op Dead Dawn, deen deemno a kenger Death Metal an oder Entombed Sammlung däerf feelen, gëtt et awer wuel an deem Song vum Album, deen ech och an der Sendung gespillt hunn: Black Survival.

Agenda

11.03.2016 - Defeater & Co. @ Exhaus, Tréier

Playlist

Entombed - Premature Autopsy (Left Hand Path, Earache)

Entombed - Stranger Aeons (Clandestine, Earache)

Entombed A.D. - Black Survival (Dead Dawn, Century Media Records)

Entombed - Heavens Die (Wolverine Blues, Earache/Columbia)

Entombed - They (DCLXVI: To Ride Shoot Straight and Speak the Truth, Threeman Recordings)

Entombed - Say It In Slugs (Uprising, Music For Nations)

Entombed - Chief Rebel Angel (Morning Star, Koch)

Entombed - Nobodaddy (Inferno, Music For Nations)

Entombed - Serpent Saints (Serpent Saints - The Ten Amendments, Threeman Recordings)

Entombed A.D. - Pandemic Rage (Back To The Front, Century Media)

 

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen