Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Fredericks Goldman Jones - Jean-Jacques Goldman, Carole Fredericks, Michael Jones

An den 90er Joren huet dësen Trio an de franséischsproochege Länner richteg ageschloen, wéi all d'Albumen aus der Fieder vum Jean-Jacques Goldman an de Jore virdrun. Eigentlech hunn d’Carole Fredericks an de Michael Jones scho méi laang zum Goldman senger Band gehéiert, mä d’Iddi war, nom Goldman sengem "Album Entre gris clair et gris foncé", deenen aneren zwee Museker méi Plaz ze loossen.
D’Resultat ass e gelongenen Album, ganz variatiounsräich am Genre, mä och ganz engagéiert. En Titel wéi "Né le 17 à Leidenstadt" ass eng Reflektioun iwwert de Zivilcourage a Krichszäiten. "Nuit, A nos actes manqués" a "Juste après", si weider bekannten Titele mat vill Poesie, déi vu soziale Problemer, Aarmut an Ongerechtegkeeten handelen.
Presentéiert vum Manuel Ribeiro.

Rezent Emissiounen

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen