Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Miles to Perdition & Scarlet Anger

Miles To Perdition goes W.O.A. Metal Battle

Dir hutt et vläicht matkritt, vläicht waart der selwer an der Kufa de leschte Weekend, vläicht hutt dir et op Facebook gesinn: Miles To Perdition hunn de Lëtzebuerger Metal Battle gewonn an däerfen deemno am Summer um Wacken Open Air Metal Battle matmaachen an hu sou d’Chance och international nach méi Fouss ze faassen a virun allem awer en ultra stramme Concert virun engem grousse Public ze spillen. Si hu sech géint Soulhenge, Feradur, Elysian Gates, Heaven’s Scum an Another From Above behaapte kënnen. Am Interview erkläert de Sänger Ken, wéi si deen Owend erlieft hunn, wat dëse Gewënn fir si bedeit, a wéi d'Zukunft vun der Band ausgesäit, well nach ëmmer net ganz feststeet, wien an Zukunft fir si hannert de Jummdeckele sëtze wäert.

Album vun der Woch: Scarlet Anger - Freak Show (8/10)

Virun zwou Woche war hire Gittarist bei mir am Interview, den 18. Mäerz koum hiren neisten Album eraus, dofir gëtt et héich Zäit, dass ech deen och reviewen: Freak Show vu Scarlet Anger ass deemno den Album vun der Woch.

An ech muss soen, et ass en exzellenten Thrash Album. Scarlet Anger ass eng vun deene Bands, déi bësse gebraucht hunn, bis si mech vun hinnen iwwerzeege konnten.. Mä dat läit vläicht dorun, dass ech bei hirer éischter EP einfach nach ze vill d’Iddi am Kapp hat, dass zwee Leit, déi fréier bei Born waren, lo op Metal wëlle maachen. Ma mat all Release hu se mech méi iwwerzeegt kritt a Freakshow ass elo deen Album, dee bis elo den Héichpunkt vun der Band duerstellt.

E fänkt u mat engem immens gelongenen melodeschen, atmosphäreschen a fulminanten Intro am Opener Awakening Of The Elder God,

An dee schonn direkt beweist, op wéi enger Schinn Scarlet Anger dës kéier ënnerwee sinn. Déi meescht Stécker sinn zwar zimlech kompromësslos, ma iergendwéi si schéi Melodien an Harmonien nach vill méi präsent, wéi nach op de Virgänger. E Paradebeispill dofir ass wuel The Abominable Master Gruesome, dat wuel dat Lidd ass, wou déi meescht Leit wäerte mat sangen a fir mech lo schonn den nächste grousse Gassenhauer mat Héngerhautgarantie ass.

Den Album ass awer net nëmme méi melodesch, wéi all aner Release virdrun. D’Lidder paken een an hunn alleguerten eng gesond Portioun un Ofwiesslung, sou dass et ni langweileg gëtt den Album nach emol ze lauschteren. Dës Ofwiesselung mécht sech net nëmmen duerch Tempo-Wiesselen, Breaks an déi vill Melodië bemierkbar, mä och doduerch, dass d’Band heiansdo bësse méi ongewinnten an interessant Riffer benotzt, wéi an The Haunted Place - House Of Lost Souls

Dobäi kënnt, dass Scarlet Anger op Freakshow och a Punkto Drums e bësse fort komme vun deem typesche “Bumm-Tschack” Klischee am Thrash an esou och op der Batterie vill Ofwiesselung a kleng Spillereien an duerch d’Halbeiere vum Rhythmus och dacks e gudde Krack Groove mat erabruecht hunn.

Als Fazit kann ee soen, dass Scarlet Anger mat Freak Show definitiv hiert bis dato beschte Wierk erausbruecht hunn, dat bei mir am Auto och well an der Top Rotation gelant ass. Engt vun deenen interessanteste Stécker - well dat duerch d’Majeur Gamme, déi d’Gittaristen do benotzen, e relativ positive Vibe kritt - ass souzesoen den Titeltrack Welcome To The Freakshow.

Freakshow koum, wéi gesot well den 18. Mäerz eraus, offiziell presentéiere wäerte Scarlet Anger hiren neien Album awer um Metalfestival zu Koplescht den 30. Abrëll.

Playlist

Amon Amarth - Versus The World (Versus The World, Metal Blade)

Amon Amarth - First Kill (Jomsviking, Metal Blade)

Miles to Perdition - Blasphemous Rhapsody (Blasphemous Rhapsody, Indie)

Elysian Gates - Crossroads (Crossroads, Indie)

Caliban - Mein Schwarzes Herz (Gravity, Century Media)

Grimner - Midgard Brinner (Frost Mot Eld, Despotz Records)

Scarlet Anger - Welcome To The Freakshow (Freak Show, Hänsel & Gretel)

Amorphis - The Four Wise Ones (Under The Red Cloud, Nuclear Blast)

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen