Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Metalfestival Koplescht, WKJD & Amon Amarth

Metalfestival Koplescht

Den eenzege Metal Festival am Land, op deem just lokal Bands optrieden, geet den 30. Abrëll an déi 9. Ronn. Am Centre Wiertspech zu Koplescht ass deen Dag nees den traditionelle "Metalfestival Koplescht". Am Interview vun der Woch kuckt de Mat-Organisateur Jeff Buchette op déi lescht 8 Editiounen zréck, erkläert, wéi d'Bands all Joers erausgesicht ginn a wat eis op der Editioun dëst Joer erwaart.

Album vun der Woch: Amon Amarth - Jomsviking (10/10)

Ech hat et d’lescht Woch gesot, den Album vun dëser Woch ass den neie vun Amon Amarth - Jomsviking. Ech muss zouginn, wéi ech matkrut, datt Jomsviking international via Sony erauskéim, hat ech bësse gefaart, datt déi schwedesch Kultband eng Richtung aschloe géif, wéi In Flames, déi jo lo net méi ganz vill mat Metal ze dinn hunn, lo wou si bei Sony ënnerwee sinn.

Glécklecherweis hu si mech awer vum Géigendeel iwwerzeegt kritt, wéi si den éischte Video an déi éischt Single First Kill erausbruecht hunn. An awer war ech vun där Single net immens begeeschtert. Kloer, et ass e coolen Track, mä et ass net méi wéi typeschen 0815 Amon Amarth Metal, wéi een e vun de puer Albume virdru kennt.

Richteg begeeschtert war ech dofir awer, wéi ech bis de Rescht vum Album héieren hunn.

Op Jomsviking, deem éischte Konzeptalbum vun der Band, an deem et ëm en Typ geet, dee seng grouss Léift net kann hunn, well si mat engem anere bestuet gëtt, a sech duerno dofir revanchéiere wëll, hu sech Amon Amarth nämlech den Challenge gesat, sech weider z'entwéckelen. An dat hu se. An dat ass gutt esou!

Déi typesch Amon Amarth Elementer sinn natierlech nach ëmmer omnipresent a sou mutéiert ee wéi gewinnt beim Lauschteren zum Vikinger: Virop dem Johann Hegg seng béis an déif Growls, déi duerch Muersch a Schank ginn, d’Gittaren déi tëscht gallopéierenden déiwe Riffer a memorablen epesche Melodien ofwiesselen an d’Drums, déi ëmmer schéi mat donneren.

Nei ass awer, wéi gesot, datt d’Story wéi e roude Fuedem duerch den Album geet. An doduerch kann ee sech nach vill méi an d’Musek verdéiwen, wéi ouni zesummenhängend Story. Direkt déngt dat zwar wuel nëmmen deene Leit eppes, déi bëssen op d’Texter oppassen. Mä och ouni dat mierkt een, datt et stëmmungstechnesch op an of geet um Album. Sou gëtt et reng musikalesch vill Ofwiesslung tëscht séieren, haarden a brutale Momenter - neen, et ass deemno keng typesch Love Story - an e puer méi nodenklechen a rouege Minutten.

Op Jomsviking huet d’Band iwwregens e weidere Gassenhauer, Sauflidd a Matgröhlsong geschriwwen. Raise Your Horns gëtt definitiv deen nächste grousse Klassiker vun Amon Amarth.

Menger Meenung no hunn Amon Amarth mat Jomsviking dee beschten Album zënter With Odin On Our Side erausbruecht. Lo, wou ech den Album héieren hunn, freeën ech mech nach méi op hire Concert den 21. Juni an der Rockhal…

Agenda

Metal vs. Cancer @ Hall Polyvalent, Viichten

My Dying Bride @ Garage, Saarbrécken

Decapitated @ Rockhal, Esch

Ensiferum & Fleshgod Apocalypse @ Kufa, Esch

Bring Me The Horizon @ Atelier, Stad

Playlist

Death - Zombie Ritual (remastered) (Scream Bloody Gore Re-Issue, Relapse)

Kraton - Revel In Chaos (Demo 2016, Independant)

Iron Maiden - The Trooper (Piece Of Mind, EMI)

We Knew John Doe - Survivors (Survivors, Independent)

Nothing - Eaten By Worms (Tired Of Tomorrow, Relapse)

Highrider - S=TxL (Armageddon Rock, The Sign Records)

Amon Amarth - Raise Your Horns (Jomsviking, Metal Blade)

Moonsorrow - Suden Tunti (Jumalten Aika, Century Media)

Ensiferum - Axe Of Judgement (One Man Army, Metal Blade)

 

Rezent Emissiounen

  • Suicidal Angels

    Am Interview dës Woch: De Frontmann vun de Suicidal Angels, Nick Melissourgos.

  • Entombed A.D.

    Dës Kéier am Interview ass de charismatesche Frontmann vun Entombed AD, d'Death Metal Legend LG Petrov.

  • Opeth - Martin Méndez

    Am Interview ass de Bassist vun Opeth, de Martin Méndez. Och hei geet et natierlech virun allem ëm den neien Album "In Cauda Venenum".

  • Opeth - Mikael Åkerfeldt

    Am Interview ass de Mastermind vun Opeth, de Mikael Åkerfeldt. Et geet virun allem rieds iwwer den neien Album "In Cauda Venenum".

  • Thousand Lakes

    Am Mëttelpunkt steet deen neien Album vu Thousand Lakes. Am Interview sinn dofir de Gittarist Jerome an de Sänger Rony.

  • De Mound am Metal

    Am Metal gëtt et vill Bands, déi sech vum Mound inspiréiere gelooss hunn, Stécker iwwer de Mound oder an deenen de Mound op d'mannst virkënnt, geschriwwen hunn.

  • Rotten Stones 2019

    Haut am Interview sinn d'Organisateure vum Rotten Stones Festival.

  • Firespawn

    Am Interview ass de Matgrënner a Bassist vu Firespawn, den Alex Impaler; rieds geet iwwer den neien Album "Abominate".

  • Metal Meltdown

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen