Musikalesch Visittekaart

Portraite vun Invitéë mat Hellëf vun der Musek, déi si lauschteren.

Nilton Martins

De Nilton Martins ass Lëtzebuerger Schauspiller mat portugiseschen Originnen. Hien huet bei Produktioune fir Kino, Fernseh an Theater matgewierkt. Zum Beispill war hien am Andy Bausch senge Filmer Trouble no more, La belle Epoque, an d’Fifties ze gesinn. De Nilton Martins spillt och an auslännesche Kinofilmer mat: Vum Animatiounsfilm The Prodigies, iwwer Hannah Arendt, Les Fameux Gars bis zu Fieber mam renomméierten däitschen Akteur Martin Wuttke an der Fassbinder-Schauspillerin Eva Mattes. An Theaterstécker spillt hien och mat (Pink Slip Party, Frittparade 2000) an op der Telé konnt een hien ënnert anerem an der Sitcom Weemseesdet gesinn. Als Casting Director sicht hie SchauspillerInne fir lokal an international Theater- a Film-Projeten.

A senger Fräizäit leet den Nilton Martins och als DJ Nilles op. Seng Visitekaart ass ee Pot Pourri aus méi labberen Danzlidder, Party-Matgröhler, moderner franséischer Chanson, Filmmusek a Musical-Kompositiounen. Hien ass ee grousse Fan vum Freddie Mercury. Säin nächste Kuerzfilm gëtt en Hommage un de verstuerwene Queen-Sänger.

Um Mikro vum Mike Tock verréit hie méi.

Dem Nilton Martins seng Playlëscht:

  • Top Boys: Le feu ça brûle
  • Outthere Brothers: Boom Boom Boom
  • Bon JoviIt’s my life
  • Alan SivestriForrest Gump 
  • Patrick Bruel: Qui a le droit?
  • Hans Zimmer: The Rock/Armageddon (Medley Mix)
  • Garou: Belle (Notre Dame de Paris )
  • QueenWho wants to Live forever
  • Rocky (Film Soundtrack): Going The Distance

Rezent Emissiounen

  • Olivier Toth

    Wann den Direkter vun der Rockhal de musikalesche Programm vun der Emissioun zesummestellt, da kann et wuel nëmme rocken! Oder dach net?

  • Tom Leick

    Den Direkter vun de Stater Theatere gëtt en Abléck a säi Plackeregal.

  • Marc Dostert

    Den Dirigent vun der Maîtrise aus der Kathedral stellt de musikalesche Programm vun dëser Stonn zesummen.

  • Jeannot Waringo

    Wat lauschtert den Direkter vun der IGF (Inspection Générale des Finances) privat?

  • Marc Meyers

    E ganz eklektesche Programm vum Direkter vum Stater Conservatoire.

  • Guy Daleiden

    Den Direkter vum Film Fund Luxembourg stellt de musikalesche Programm vun dëser Stonn zesummen.

  • Nilton Martins

    De Lëtzebuerger Schauspiller a Fräizäit-DJ huet labber Danzlidder, Party-Matgröhler, modern franséisch Chanson a Filmmusek matbruecht.

  • Jean-Marie Kieffer

    Sänger, Organist, Museksprofesser an zanter e puer Joer Professeur chargé de mission am Educatiounsministère.

  • Pit Wagner

    De Pit Wagner stellt Lidder vir, déi säi Liewe markéiert hunn. Vun Jazz an Blues iwwer Progressive Rock bis hin zu vietnamesescher Musek.

  • Alexandra Oxacelay

    Als Invitée am Studio a fir de Musekprogramm an dëser Stonn zoustänneg ass d'Directrice vun der "Stëmm vun der Strooss", Alexandra Oxacelay.

  • Sylvia Camarda

    Schonn ëmmer war déi bekannten Dänzerin, déi ë.a. vun 2005 bis 2006 beim Cirque du Soleil war, ee riesege Pop- a Musekfan.

  • Ainhoa Achutegui - Direktesch vu Neimënster

    D'Ainhoa Achutegui assd'Invitée an der musikalescher Visitekaart.

  • Danièle Wagener

    D'Direktesch vun de Stater Muséeë presentéiert hir musikalesch Favoriten. Dorënner Lidder vun Les Rita Mitsuko, Creedence Clearwater Revival an dem Terence Trent D'Arby.

  • Patrick Sanavia

    Zanter 2008 ass de geléierte Jurist Direkter vum 'Service des Sites et Monuments Nationaux'. Hien huet fir dëss Stonn de musikalesche Programm zesummegestallt.

  • Sumo

    De bekannten Urban Art- a Graffitikënschtler Sumo stellt Lidder vir, déi säi Liewe markéiert hunn. New Wave iwwer Punk bis hin zu Jazz an Hip Hop aus de 90er Joeren.

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen